TYO in naupang mangh zong

..."12 Jan'19 chiang tan in muh hinai lou"...

Singngat Sub-Division sunga om T. Monglham khawmi naupang kum-10 mi Mr. Mangminlian Haokip tuni  (12 Jan'19) in Thangkhal Youth Organisation (TYO) General Headquarters President Pu Lianzamung makaihna nuai ah, New Boljang Youth Club, S. Zezaw, Phaimual, T. Kotlian S. Phaiza, T. Khajang, S. Geltui, B. Tuallian, M. Tanglian, MT Geltam leh TYO member Lamka apat mi bangzah hiamte toh, khawkiim khaw kiang a mi bunnyphattuam ngai paikhawm te'n naupang mangh zonna nei uhi.

Tuni zingsang dak 10:30am apat nitaklam dak 3:00pm tan zong ua, muh hinailou. 

Mimang zong dinga kal suante lakah Pu Letmang, Singngat Thadou veng in thumna nei in, Pu Thangkhenhang, Chief of S. Zezaw in mimang zonna di mun leh mual gen in, Pu Lianzamung, President TYO in mipi makaih in, Mangminlian Haokip om na ding, mun leh mual gingtat na mun tuamtuam zon khiatna nei uhi. Mun tuamtuam zon himahleh tuni tan in Mangminlian Haokip mu hinai lou hi. 

Mangminlian Haokip ahihleh apaisa Date 30th December 2018 Nitaklam dak 2:00pm vel in mang a tuni tan in ni 13 paita a, zon na pai tou zel mahleh muh hinai lou hi.

Nitaklam dak 3:00pm in Pu Lianzamung in lungdamthu genna nei a, mabanah zong mimang zonna nei zom zel ding ahihdan gen hi. Mabanah mimang zonna ah pawl tuamtuam nungak tangval atam theihpen pai kik dingin mipite chialna bawl hi.

Mimang inn kuante apatin D. Demkhomang s/o Khaipao Haokip, Ex-Chairman, ADC Ccpur in kipakthu genna neih a mabanah zong mimang zonna ah TYO leh pawl dangdang in zong kithuahpih kik dingin ngetna bawl hi.

~ MG Thangkhal

Share: