Thangkhalte khakloh hun ta

"Pasian nei nam aham pha hi." - Sam 33:12

-- Mulam hohna toh kisai message tamlou --

APAISA  January 09, 2019 ni'n Mulam ah tuan a pu-le-pate khelna mohna tatkhial bawlkhial nate, khangthak te'n ngaihdam ngetna MAITAM va kinei hi. 

Hih hun ah Tanglian hausapi Sialchiin leh Upa Zalianpau, Local Chairman, M. Tanglian Thangkhal Baptist Church in mipi makaih hi. 

Mulam ah Khangnoute toh pu-le-pate khelhna mohnate ngaihdam ngetna Ann Ngawl in va kithum hi. Pu-le-pate khelhnate khangthak te'n ngaidam ngetna kinei na ah Pasian thu lunggulh tak a khangnou hih zah a kalsuan pen imi nam in thupha ngah ding hi. 

Thangkhal minamte atamzaw Mulam Tualkuan vive ihi uhi. I Jerusalem uh Mulam ahi chi Khangthak te'n manghilh kei ni. I Thangkhal Nam (Thangkhal Tribe) sung ah en lei Pasian nei masate mah taksa dan a zong khangtou uhi, mite tung a vai hawm in Pasian in koih hi. 

Thangkhal minam sung a Christian suak masate tampi gendi om mahleh, tuate lak ah khat gen ni. Thangkhal sungah Christian Suak masa lak a pang Pu (L) Thangzalang Mate ahihleh imi-nam (Thangkhal Tribe) sung ah ding a Christian suak masa hi a, ama tate en lei Pu Ginsuanhau @GS Haupu hi a, apa in Pasian thu ana pom masa, Pasian athei, Pasian ana nei masa ahih ziak a, Toupa thupha pe'n atapa GS Haupu tungah a tung hi chih theih ahi. (Pu GS Hau pe'n a neulai in Biakinn daksat in ana pang hi) Pasian in atate khang ah laamsang hi. Ei zong Pasian nei nam ihi nai kei leh Pasian nei nam hih sawm ni, i khang pen khanghoih hisak ta ni, tua ziakin Pasian nei nam hi sawm ta ni uh. 

Ka Thangkhal pihte aw, tuan a pu-le-pate dan a zu-le-sate tawp san a, Christian hindan zui a, khat leh khat ki-it hun hita hi. Ipu ipate en lei Aakneel awh in bawng leh sial zangin ana ki thoi uhi. Khuang leh zaam zangin ningzu ai-sa ne in nun nuam laitual ana kai uhi. Tuan a pu-le-pate dan a tukhang 'Digital Age' ah pu-le-pate bang Zu nene lai ding maw Sanggam? Christian ka hi kichi ngal a, Zu leh Sa toh i niteng hinkhua zang zang lai ding maw? I Christian hihna suklat hun ta hi. Vak tate om bang a i om hunta hi.  Taksa dan a mite zah thei ding a om hun ta hi. Hoih deu in ngaisun lei "Saptuam sung leh Minam sung khantou nang in nang leh ken" Pasian nei nam ihi uh ngai masa hi. 

A hong tung ding (7 March 2019) chiang Thangkhal Kual (Thangkhal minam) a Pasian thu lutna kum 80 chinna hita ding hi. Pasian nei nam ihi lou ziak ua, imi nam sung leh saptuam sung hidan a hong om tou hi. Pasian muanglou milian milal mihausate muan ziak a ki khanglian theilou hi. "Nang ziak kei ziak ahi" ichi tak lou ziak uh ahi. Mi khat tatkhial ziakin minam in vang siatna tuak thei hi. Nang ziak kei ziak in imi nam tawi sangin om thei hi. Tuamah bang in nang-le-kei ziak in imi nam minsia thei hi. Minam minsia sak hilou a, mi namte kisaktheihpih lia-le-taang hita ni uh. 

Nu leh Pa, Pi leh Pu, U leh Nau, Bible a Kana khua moupawi a Mary in atapa Jesu kisaktheihpih hi. Bang ziak ichihleh, atapa silbawl theihna ziak ahi. Nang leh kei in zong Pasian hong piaksa i pilna i siamnate toh imi nam sung leh saptuam sung a i zak theih chiang  imi namte leh saptuamte kisak thei pih ihi ding uhi. Tua ziakin Khanglai Khangnoute zong inu ipa i saptuam imi nam kisak theihpih ding a hinkhua i zak uh hunta hi. 

Tu apat in Pasian nei nam (Thangkhal Minam) te hita ni. Hoi deuh in ngai sun ni, bang ziak a thupha i ngah theilou e, chite ngai sut detdet hun ta hi. Imi nam TPO (tua TTO) kum 41 chingta hi. Kum 41 sungin minam Thumna khat vei chauh kinei pan hi. Hi chiang tan a i om zong Pasian in hong lamsang mahmah hi. Thumna lam zong i chau mahmah uhi. 

Mi nam khat in kum 41 sunga minam Thumna khatvei chauh nei ichi chia puaknat huai mahmah hi. Tua ziakin Thumna lam a zong i hah pan hunta, Pasian muan hunta hi. Pasian sang in nna dangte akhat na a i koih chia buaina om i bawm zel hi. Pasian amasa (khatna) pe'n a koih ding ahi. 

Nihna ah imi nam i ham ipau ading, Pasian hong piak i ham pen i puahphat hunta hi. I ham uh sun leh zan a i zak uh a di'n bangzah vei I thum ta uaile? Iham i pau sa'ng a Beh leh Phung ngaina zawte zong ki etthak hun ta hi. Iham a ding a Chii (salt) bang a i al hun ta hi. 

Khangnoute gingtute tengteng Pasian a ding leh minam a ding a Chii bang a al zou gige di'n Pasian in thupha hong pia ta hen.

By:-

MG Muanlal Thangkhal

Admin, KHALVONTAWI Social Media

🇰​🇻​  KHALGAM

*Bridging the Thangkhal People*

Lamka: 13-01-2019

Share: