ZYA GHQ in Zodawn Block leh Unit veh

ZOMI YOUTH ASSOCIATION (ZYA) General Headquarters India, a President Pu Lianzalal makaihna nuai a Pu. Pumkhanlian Tawmbing General Secretary ZYA, Pu S. Tunluanlal Secretary Information and Publicity, Pu H. Liankhohau Executive Member ZYA leh Pu Nengmuanlal @MG Muanlal Asst. Information & Publicity ZYA te apaisa October date 8th 2018 (Monday) Zingsang baitak 5:30am in Zodawn lam a Zomi Youth Association, Block leh Unit te veh diingin lamka apat ZYA Gari Bolero zangin zin khia uhi.

 Zingkal lam dak 8:00am in ZYA Tuivai Block Centre, Tonjang tung uh a, Tuivai Block nuai a Unit 9 te toh Block makai diing telna nei uhi. Pu Lianzalal President ZYA GHQS in makai a, Pu Pumkhanlian General Secretary in Hunpat thumna nei in Election pan ngal uhi. Hihun a ZYA Tuivai Block 2018-21 sung Block makai diing telna Tonjang khua Block Office mun a Unit te toh nei khawm uhi. ZYA tuivai Block kum 2018-21 sung a makai diing a tel ching te ahih leh

President:  Khaikhankhup

Secretary:   Zamsuanlam

Fianace: Mangchinkhup

Treasurer:  P. Pauzalian te telching uhi. Programme zoh ahih toh kiton in Pu. P. Pauzalian in tawpna thumna nei in hun jou uhi.

Tua zohin nitaklam dak 3:00pm in Tuiveljang khua ah ZYA Tuivel Block Office mun a Unit te toh ZYA Tuivel Block makaite leh Headquarters te houlim na nei uh ah Block a makai te leh Unit a makai te apatin ZYA Nasepna Report tuamtuam ngai khiatna om in, Pastor Nanglian Tonsing in tawpna thumna nei in hun zou uhi. Nitaklam dak 5:00pm in ZYA Kapkhovung Block Office, Suangdoh khua a Block leh Unit te toh, Block makai diingtelna nei uhi. ZYA Kapkhovung Block 2018-21 sung makai diing Unit 11 te toh telna nei u ah, hihun a tel ching a om te hi a nuai a te ahi.

President: K. Doukhanpau 

Secretary: N. Ginlianthang

Finance: Chinkhen

Treasurer: Thianzalal te tel ching uhi.

Telching a om te thumsakna nei in, Paikhawm mipi ten Itna Annkuang umm khawm in hun zou uhi. Nitaklam dak 8:30pm in New Kangkap (Tuima) khua a ZYA tuima Unit te toh houlim na nei in,  Tuima khua a Giaksuak uhi.

October date 9th 2018 zing dak 8:00am in Songtal khua a ZYA Raja Goukhothang Block Office a Block makai te leh Unit te vehna nei uh a, zingkal dak 11:45 vel in ZYA Sinzawl Block leh Unit maikai te toh houlimna nei nawn uhi. Nitaklam dak 5:30pm in ZYA Bukpi Block vehna nei uhi, ZYA Bukpi Block leh nuai a Unit lamkai te toh houlimna nei khawm uhi.

Nitaklam dak 7:30pm in ZYA Joutung Unit te toh kimu khawm u ah, huai a zan giak suak uhi. Oct date 10, 2018 zing dak 7:30am in ZYA Thanlon Block vehna nei uh a, Block makai te leh Unit makai ten Thanlon Committee Hall a ZYA Thanlon Block 2018-21 sung makai diing telna nei uh a telching a omte:

President: Lianlemthang

Secretary: Ginzakawl

Finance: Thangthianmuan

Treasurer: Nungak Chingbiakmuan te telching uhi. Tua zoh in Pu Lianlemthang in Annkuang thumna leh tawpna thumna nei in paikhawm teng in Itna Annkuang umm khawm uhi. Tua zoh in Leijangphai Block vehna nei uh a, Block ten lemtan liuh na tuam tuam ana neih man un hun lem chang masa pen ah GHQs in ZYA Leijangphai Block te veh in Election sai hiding in kithukim hi. Tua zoh in ZYA Pamjaal Unit vehna nei uh a 12th October 2018 in lamka hong tung uhi. Ban ah ZYA Singngat block ten lemtang zaw ding ngim na  in, Ghqs tawh Joint Meeting leh Block Election neih hun di pen  November kha a ding a agen ziak in November sung in va veh ding uh hi.

ZYA in ahih leh akal suan na uah Block peh Unit te haksat na leh theihsiam louh khenkhat te genkhawm na leh ki pawlkhawm na nei uh in, Genetal   Assembly lai a  thupukna dungjui a Zogam a i Lui te uh puahphatna ding leh etkai na tawh kisai a  Dynamo/Dynamite leh Poison ngasa mat nading a zak a om zelpen nak tak a kham ahih dan tangkou pih a, Poison leh Dynamo apat a nga kiman te mihing a diing a dam thei huai lou leh lauhuai ahih dan gen uhi. Kham ahi dungjui in Zodawn lam a ZYA Block leh Unit te pangkhawm in, haktakin kham uhi. Ban ah ZYA GHQs in mipi te kiang ah Dynamo/Dynamite leh Poison (Chemical) zang a luidung a ngamat chite khawlsan ding leh zanglou ding in koima peuh ki chial in ki ngen hi.

Bang hiam chi a Dynamo leh Poison zang a ngaman tei tei theihkhak leh matkhak a om leh ZYA te tung ah kua mah khasia lou ding in theisak uh hi. ZYA in Block leh Unit aveh na uah Block Office te adi in, 3rd World ZOMI Convention 2013 lai a  Lamka Public Ground a kizak lai a Souvenir bu khat chiat Block te adi in ZYA GHQs in Present uhi.

~ MG Muanlal Thangkhal

Asst. Secretary Information & Publicity

ZYA GHQ India

Share: