Singngat Youth Club Sweet December

"Singngat Youth Club tungtawn in mikiphalte'n tagate panpihna pia"

...SYC in kipahthu tun...

TUNI, 22 Dec'18, in Singngat Youth Club (SYC) in ama huam sung a um naupang taga mi gentheite apuansil ding uh puanlum piahna programme Sweet December chi minvoh in Singngat Community Hall ah nei uhi. 

Tamhun ah Singngat Bial sung a milian deu teng Pu Ginsuanhau, MLA, Singngat A/C, Pu Hausuanthang, ADCC Singngat, Pu Jameson Hangsing, SDO Singngat, Pu Lokendra Singh, CO 2nd AR Singngat Battalion leh Pu Haukholian, Chief of Singngat te'n jong Ziinguun hina toh uap uhi.

Tamhun a ZIIN GUUN mipawimawte thugen tomkim:

Chief Host Pu Haukholian, Chief of Singngat in athugenna ah SYC-te'n tambang sil a khosung a um ngailou tagate ading a ahing saithei u akipah dan agen a, maban a khosung pumpi huap in sai thei hileh chi adei dan gen hi.

Tuaban a naupang tagahte jong lungneu lou a maban a hinkhuo ahoi lang a hing mangtou ding in jong hasotna gen hi. Tualeh SYC-te kithuapina ding in jong dangka 2000 pia hi.

Functional President Pu Hausuanthang, MDC Singngat in thu agen na ah SYC-te'n tambang naupang tagate ading a panpi theina hun ahingsai theina tung ua akipahpi dan agen hi.

Tualeh ama'n jong SYC-te leh Naupang tagate panpina pe ut ma nanleh jong tulai i district sung ua ADCC Chairman buaina ithei chiat ma bang un fund bangma jong um nailou in naki sem thei lou, Christmas thawlom di tanpha jong nei lou dehphial a ki um ahimanin kipanpi joulou phot ding ahia koipou in hing na theisiam ding in ngen hi.

Maban a naupang tagahte guah hilou in meithai teng a di jong panpi na kum teng in hing bol thei ule chi deisahna gen hi.

 Tualeh ken jong maban a naki sep thei hun ah ADCC Chairmante jong hing thuzah vang in MLA-pu toh kithua in ka bial sunga meithai taga teng ading in na hing sep som vang chi a, SYC-te kung a Dahbom sung a Sum boh thit thet asa asah khat pia hi. 

Guest of Honour Pu Lokendra Singh, CO/2nd AR Singngat battalion in jong tambang Singngat khosung a kahing um apat programe lian leh manpha kajah masah pen pen kakipah mama a SYC-te tungah jong kipahthu ka gen hi chi hi.

Tam naupangte panpina ding in dangka 10000 jong kana pekhe jouta a tualeh maban a SYC, MLA leh Hausapa toh kithua in Singngat mipite phattuamna ding tuineh leh programe tuam tuam kahing sai tou ding ua, tuapen mohpuahna la ding SYC-te muangtah a guatsa nahi u chi jong gen hi. 

Tuaban a Hausapa'n ahing phalpi leh kumkia 20 February chia MLA-te toh kithua in Singngat khuo a ZOMI NAMNI jong sai ding ihi uh chi hi. 

Functional President Pu Jameson Hangsing, SDO Singngat in jong SYC-te'n tambang tagate panpihna vaiguan anei ukhu Bible a kigen Pasian deilang toh kituah ahidan gen a lamkaite lunggel asiam dan kipahpi mama hi.

Ama'n SYC-te apat tagate panpina ding in dangka 10000 napia hi. Agen jelna ah Singngat Area mipite MLA hoi nanei ua nahampha mama u, tambang MLA mipi ading a na tampi mitmu a hing sem khia pen thupi sa a, midang MLA te'n tambang a abial ua dia nasem ut ule jong sem theilou tampi um ahi dan jong gen hi. 

Tualeh SYC-te kithuapina di'ng na Hausapa utoh hing kihou va ung in NREGS tungtawn a work tuam tuam kaihkhiat thei di umleh SYC-te toh kithua a anaa pen septhei ding ahi dan gen hi. 

Chief Guest Pu Ginsuanhau in tambang hun SYC in asai pen kipahpi a naupang tagahte panpihna ding in SYC khut ah dangka 30000 pia hi.

Kumkia lamchiang khosung pumpi huap ding hing bol tou jel un kei jong pang thei dan dan in kahing pang ding chi hi. Tualeh mipite lah ah Upa chingkam tampi naupang tagahte kamu in kaha bang hing se sim a maban ah Singngat a Residential School pen ahing kibawl theileh tam naupang nu-le-pa neiloute khu tua school a ban khum a afree a laisim theina ding uh jong ngaituo pia ding ahi dan gen hi.

Singngat Area a Army sap hoi nanei ua Army te'n mipi a ding in Free Medical Camp bang leh sil tuam tuam ahing sai ua, tuate bang kei leh MDC-pu hing dong jangkhai mama chi'n ARMY sapte kung ah jong kipahthu gen hi.

Pu Hau in SYC leh Singngat mipite kung ah tambang a ARMY te'n nou adia na hoi ahing sep leh kipahthu genna chang jong press beh ah gen un chi hi. Mihing pe'n silhoi abolleh kipahpi lei ama un jong aban ah silhoi bol hing thanuam tou jel ding uh ahi. Nou kamipite aneh lut di chou lunggel ma nabang un kipah thugen di jong theilou chi'n abial mipite adeisah thu gen hi. 

Tualeh maban ah kum hing tha leh Singngat AC sung a na tampi sep ding jong um ahi Dingngat Area mipite adia 'Good News' ahidan jong gen hi.

Ziin guun teng in thugenna anei jou un Naupangte kung ah panpihnate piahna jong Ziingun teng in nei uhi. 

Tuabanah Singngat Care Center te'n jong khosung a meithai tagah mi 10-te ading in meiphu a free in SYC tungtawn in piahkhiatna jong nei ngal uhi.

"SWEET DECEMBER kichi unau Burma lam a ZOMI te'n thupi tah in ana zangh gige uh hi. Tutung India-Manipur-Ccpur-SINGNGAT Vang khua 'Zo Khawpi' kum 200 val a upa khua ah phattuam ngaitahin hun zahin um a, tagahte panpihna pia uhi. Tambang sil hoih, panpih ngaite panpih, beidawngte lametna tuntu Singngat Youth Club ettawn tak mah mah hi. Tambang hun khu Sweet December tuntu tak tak ahi. Long Live SYC!" ~ Editor, KV Online 

-----------

Office of the

Singngat Youth Club

"Kipah Ma Ma Ung"

Singngat Youth Club in SWEET DECEMBER 2018 minvaw a tuni taga genthei leh innsung khosahna ngiem naupang te adia akitai lai a neikham kham sum leh pai a hing na panpite te tungah lungdam thu kahing gen uhi. Naupang tagate kipahna khu noute tunga guolzawlna hing hita hen. 

Tu sang a taga gentheite khotuo theisem ding in Mangpa'n guol hing zawl tahen.

Singngat Youth Club in noute kahing manghil ngaisih ding uhi.

Online tungtawn leh amun a taga gentheite panpina dia hing pangte:

''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

1. Pu Ginsuanhau Zou, Chairman MANIREDA & MLA 60-Singngat Assembly Constituency:

₹.30,000/-

2. Sir Lokendra Singh, Col. Commanding Officer, 2 Assam Rifles, Singngat Battalion:

₹.10,000/-

3. Ou Jameson Hangshing, SDO Singngat: ₹.10,000/-

4. Pu Hausuanthang, MDC, ADCC Singngat: ₹.5,000/-

5. Pu S. Khamthang, Special Contractor: ₹.2,000/-

6. Pu Haukholian Munluo, Chief of Singngat: ₹.2,000/-

7. Pu T. Gouzalal, Social Worker:

₹.1,000/-

8. Pi Mannuomching, IAS, DC Pherzawl: ₹.1,000/-

9. Pu Kammuan Guite, Singngat Station Veng: ₹.1,000/-

10. Dr. Robert Zou, MO i/c CHC Singngat: ₹.500/-

11. Dr. Langlunthang, CHC Singngat:

₹.500/-

12. Pu Zamlunmang @ Pupu Zou Kareth Village, CCpur: ₹.500/-

13. Pa Kamminlal Lianzaw, MP Bishnupur: ₹.500/-

14. Pa Khaiminthang, BSF, Singngat Hausaveng: ₹.500/-

15. Ms. Sonal Sethia, Lyzon Friendship School, Singngat Khomunnuom: ₹.500/-

16. Sir Arpan Sen, Lyzon Friendship School, Singngat Khomunnuom:

₹.500/-

17. Pu Dallas Lamboi: ₹.500/-

18. Pa Chinminlun, Fin. Secy, SYC: ₹.300/-

Noute aletampi in Pasian in hing guolzawl tahen.

Sd/-

Hauminthang

President

Singngat Youth Club

Sd/-Thanglunlal Samte

General Secretary

Singngat Youth Club

SYC Damsawt hen!

~ Z⭕LENGTHE WhatsApp

Share: