"Ka Awm Awm in Ka Ki Om" ~ Mr Suan Jowel

VANITY is Vanity. Laigelhtupa'n achi hi, chih pansan zong hi sese lou in ka om hi. Saptuam leh Organisation tuamtuam khoimah ah zong ka tuitum kei a, ka lung zong a lut keia, ka dem tuan keia, ka haw tuan kei hi. A awm awm in ka awmsak a, keizong ka awm awm in ka ki om lel hi.

'Kua khua kelham tuamlou' chidan ata diai ei pawlpi sung zong buaina in i nusia uut valong kei hi.

Zong ingai deuh hiveh aw eilawi, i omna tenga i ompih tetaw, kawi vevaw laizang. Awleh apaih khiatdan i theihlouh man ahi kha diai maw! Khualian khuaneu omlou ibuaipih ding eima size sanga lianzo deuh buaina in ipum kawi tentun. Akhua neudeuh te'n Extra large ana tangthei kawi kawi. Lah Kikhen thei samlou, kituak theilou a om thei tuanlou te ihi uhi.

Buaina kichi in gamgi aneih louh pen poivawt e maw. Delhi tantan i peh tou dokta veleh.

Ei deihthu hitalou a ina lamdawn ngai dinmun a om tak man in ipu ipa khanga mangthei nawnlou ding in, Delhi khuapi ah i saptuam uh phuhkhiat in a om tahi.

"Aw nang Munirka, Lutyen's Zone te bangin thupi kei le chinzong Delhi veng teng lak ah na neupen keihial hi, na sung ah lah khangthak te vaihawm nang Saptuam ahong piang ta ngal a" chih zawl neilou Tokas khak leh suan te'n zong i theihpih ta ding uhi.

A tunga i gen uh 'buaina' pen Delhi saptuam in kideih nawnlou, buaina kibuaipih man nawnlou kibuai seng!

Inlam te role model hih nang chance hoihtak saptuam i suak tahi. Saptuam hoih, etton taak, kivaihawm siam guak hilou a saptuam kithuman, saptuam zahtat huai leh a pawimawh pena Pasian Saptuam i suah theih nang in inlam a te'n mawhpua lou hi. 

Tukha tawp lam chiang in Delhi saptuam lamkai ki teelna om dinga, amasapen in amasa dingte mah i masak sak ngai ding hi. Adiak in Delhi a zungthuuk kalh zou deuhte in lung piching tak in i gel unla, khat leh khat kisu thadah kisu thanuam thei ihih dan uh manghilh keini.

Kou private lak a sem te pen zingdung thaidung a mun tuam2 a kung ki tuansan thei mai uh hilou, zi leh ta kung neih chiang ua nou om tantan i ompih zoulou maithei kahi uhi. I khanglai nungak nou nou te'n phungdang tangdang i belhsan hun uh om ding hi! Bangmah aki khel om nailou ahi.

Nb: Kaplal in upsc i gelhching mawk henla, Bihar lakah posting muta leh a keyboard tumzong ki mukha nawnlou maithei ahi😄

By:- 

Mr Suan Jowel

New Delhi

10-12-'18

Pic:- The writer, a well-known chef among the Khalvontawis in Delhi, is serving the sumptuous meal in TSPD Meet, last month. - Editor

Share: