Zeliangrong leh Hornbill-te Tamchon Football Trophy kituh ding

Semi ah Hmar in Zeliangrong, Muvanlai in Hornbill lel

New Delhi, Nov 30, 2017:  North-East Tamchon Football Trophy 2014 & 2013 champion latu Hmar FC in tuni'a Semi Final ah Zeliangrong FC goal 1-0 in lel a,  tualeh 2016 & 2015 champion Muvanlai Athletics in tukum pangpan Hornbill FC goal 1-0 in lel hi. Tutung a 11-veina ONGC North-East Tamchon Football Tournament pen Dr Ambedkar Stadium, New Delhi ah November 18 ni'n kipan hi.

Tam tournament, phamsa Pu Tamchon Raingam, Assistant Commissioner of Police, Delhi, theizingna kibawl pe'n Tangkhul Naga Society Delhi saina nuai ah 2007 kumin pankhia uhi.  Tamchon Trophy theme ahileh "Unity, Friendship, Understanding and Sportsmanship" chih ahi. 

Fans leh supporter hau mama tuotuo Hmar FC leh Zeliangrong FC kimawl mitampi'n en a, Hmar FC stopper (jersey no 16) in bawl goal lut dia hing lengphei pen a pekkhiat sawmna lamin vangsiat huaitah mai in amau goal ah 23rd minute in a utthu hilou in pehlut kha hi. Tam team tegel kimawl pen munop mama mai, eimi te'n Hmar FC in zou din gingta uhi. Hinanleh gintat sa'ng in Zeliangrong FC toh Hmar FC pen kibei thei mama uh. 2nd half sung in Hmar FC te'n nasahtah in attack bawl ua, goal 3 vei vilvel chiang tahin miss kha uhi. Zeliangrong lam inzong khumbeh sawm in bei charchar nanleh khumzou tuan nawnlou uh, atawptan in. Hmar FC leh fans-te adia BAD-LUCK huaina pen Zeliangrong-te adin GOOD-LUCK huai suah hi. Eimi-te a di'a KHITUI luan thei na sua! 

Hmar FC in Zeliangrong FC final ah nihvei lel ngai uh, 2012 & 2008 kum. Zeliangrong FC in ningkum final ah Muvanlai Athletics lel uhi. 

Tutung 2nd semi-final match ah Muvanlai Athletics leh Hornbill FC nasahtah mai in kimai tuo ua, a nih un a siam tuotuo uhi. A kipatkhit sawtlou in Muvanlai te'n goal attempt masapen khum lou. Azieh Hornbill goalie in a khut in ana dalkhia man a, tua pe'n Muvanlai lam in thakhatin goal kap a, goalpost kha in talteuh khia. Hornbill-te goalie mai, feet 2/3 vel di chauh a gamla pa'n Muvanlai in goal kaplut lou! 

Hornbill FC inzong hattah in Muvanlai FC attack charchar ua, goal tam veipi miss uhi. Hornbill striker Hemta (jersey no 8) in goal khat 42nd minute ginin  khumlut, tamkhu 1st half a goal lut sun ahi. 2nd half in Muvanlai lamin position hing khensim ua, nahpi'n goal hing kapkap uhi. Amau'n goal chance hoihtah mai 3-vei vel missed uh. Hornbill inzong goal 3-vei vel mah miss. Kibawl thei tuo ua, hun beitan in goal lutbeh lou. Eimi team final a kisuhkha dia mi'n a hah gen uh, semi ah zouzou lou suoh uhi. Daau (luck) kichi umleh chu Hmar leh Muvanlai in zou dia gingta pawl mi tam. A kihah bawlna lam un Hornbill player 3 leh Muvanlai player 2 in yellow card mu loh uhi. 

Kiginni Dec 2 chiang, third place (2pm) leh final (5pm) um ding a, Hmar FC leh Muvanlai FC third place kituh ding uhi. Zeliangrong FC leh Hornbill FC trophy kituh ding uhi. 1st prize ahileh Tamchon Trophy plus Rs 5 Lakh, 2nd prize Rs 3 Lakh, Third Place Rs 2 Lakh, tuaban ah quater-final tan lutte'n Rs 25,000 chiat sa'ng ding uhi. Best Player/Top Scorer, Best Goalkeeper leh a dangdang prize zong um ding chi'n organiser-te'n gen uhi.

MATCH RESULT

28-11-2017:  Muvanlai Athletics - Bodo (6-1) and Hornbill FC - Indian Air Force (2-0)

27-11-2017: Zeliangrong FC - Zogene FC (2-1) and Hmar FC - Sikkim (3-1).

26-11-2017:  Zogene FC - Bodo FC (0-2), and Sikkim FC - Indian Air Force (0-1).

25-11-2017: Wung United - SSPP (1-2), Zeliangrong FC - KFC (0-0), and Garo FC - Gorkha FC (1-5).

24-11-2017:  Muvanlai Athletics - Sumi FC (3-1), Hornbill FC - Hmar FC (1-2), and ASUD FC - Nirvana FC (1-0).

23-11-2017: Garo FC - Hmar FC (0-8), Zogene FC - Nirvana (3-0), and Sikkim FC - SSPP FC (2-1).

22-11-2017: ASUD FC - Bodo FC (1-4), Wung United - IAF (1-1), and Zeliangrong FC - Sumi FC (4-3).

21-11-2017: IAF - SSPP FC (2-1), Muvanlai Athletics - KFC (4-4), and Hornbill FC - Gorkha FC (2-0).

20-11-2017: KFC - Sumi FC (2-3), Gorkha FC - Hmar FC (1-1), and Bodo FC - Nirvana FC (0-0).

19-11-2017: Garo FC - Hornbill FC (0-7), ASUD - Zogene FC (1-3), and Wung Unied - Sikkim FC (0-1).

18-11-2017: Muvanlai Athletics - Zeliangrong FC (0-0) [Inaugural Match]

 TAMCHON TROPHY CHAMPION-TE

2016 - Muvanlai Athletics beat Zeliangrong FC

2015 - Muvanlai Athletics bt SSPP FC

2014 - Hmar FC bt SSPP FC

2013 - Hmar FC bt KSL

2012 - Zeliangrong FC bt Hmar Fc

2011 - Kangleicha Sanaroi Lup bt Zeliangrong FC

2010 - Delhi Mizo Zirlai Pawl (DMZP) bt Hmar FC 

2009 - Wung United bt Chandel United

2008 - Zeliangrong FC bt Hmar FC

2007 - Wung United bt Ching-Tam United

~ Bruce K. Thangkhal, Joint Editor, ZOGAM TODAY

 

 

 

Share: