ZSP Delhi in 22-veina Freshers Meet nei

New Delhi, Nov 05, 2014: Zou Sangnaupang Pawlpi, Delhi Branch in "Siemsinna toh i gam miel tanvah vai" chi thupi a nei in a 22-veina Freshers Meet cum Annual Conference, Shankar Lal Concert Hall, Delhi University ah November 1 ni'n  nuomtah in jang uhi.

ZSP Meet ah Shesei Zou, Chairman, ADC Chandel District, Manipur leh Saket Bahuguna, Delhi State Secretary, ABVP te'n Chief guest leh Guest of Honour hihna toh uop uhi.

Tuoban ah JT Mate, social worker leh a loinu Nenglam Mate, Luncha Zou, Secretary, United Zou Organisation, Moreh Block leh a loinu Nemboi, Sochung Lhungdim, President, Congress Block, Moreh leh aloinu Tongnem banah Chief Guest-pu loinu Lamneng leh a tanu Lamneihoi te jong a uoptu in pang uhi.

Tualeh Student organisation leader uop tute Lal Guite, Spokesperson, Zomi Students Federation, Delhi Cell, Stephen Valte, General Secretary, ZSF Delhi Cell, H. Lalminlun, Vice President, Khangthah Zuun Pawl, Swapan Debbarma, Vice President, Tripura Students Forum, Delhi, Dharanjit Reang, General Secretary, Tripura Students Forum, Delhi leh Sunny Tayeng, General Secretary, Adi Students Union, Delhi.

Mipi lasah khawmna ban ah ZSP Anthem hun patna ding in mipi in sah khawm a, tuochin Rev Jangkholun Mangte, Pastor, Zomi Christian Fellowship, Delhi in thumna nei in hun pat in um hi.

ZSPDB President S. Langkhanhau in mipite vaidawn na nei a, mipite a nop theih pen a zang din a deisahthu gen hi.

Chief Guest Shesei Zou in sangnaupangte lailam leh nasepna lam ah hing ha pan ding in ngen a, lochinna ding a theitawp hing suo ding injong thumop hi.

Mr  Lal Guite, Spokesperson, Zomi Students Federation, Delhi Cell

Guest of Honour Saket Bahuguna in Delhi ah buaina hasatna na tuoh uleh hing theisah un, hing panpi ding a masa um ka hi uhi chi.

ZSP Choir, Cultural Dance, Zoutawilienu Choreography leh Fresher's Parade te'n mipi peikhawmte lung tai sah mama hi'n kigen hi.

Tutung  a fresher khanglai mibangjat hiam khat te stage tung ah dinsah in um a, tuoleh kipulahna nei chiat uhi. Tuazou in PCI (R) pastor T. Liankholal in fresher te thupha pia kom in thumsahna nei hi.

ZSP Study Forum Malcolm Hangmuanthang in Study Forum toh kisai a tangthu tomkim genkhiatna nei a, tuachin lochinna tuomtuom ana mute tung ah pahtawina pia uhi.

Pahtawina (meritorious award) mu te leh amuna jieh uh -- M. Chinlun s/o M. Hauthong Zou, Senior Technical Assistant (B), DRDO Delhi leh MSc (Chemistry), IIT Delhi; Manneilhing d/o Sianmuanthang, BA History, Motilal Nehru College; Stephen Lamzamuanthang s/o Khuplianpau, BA Political Science, Shaheed Bhagat Singh College; Mercy Vungsiannuam d/o (L) Khupsuankap, BA Political Science, Maitreyi Women College; Ronica Vungmuankim d/o P Lamthang, BA Programme, Kamla Nehru College, S Kimboi Mate d/o S Kampau Mate, BA Programme, Motilal Nehru College; S Ruthi Ningneihoi d/o Lalkhosei, BA Programme, Motilal Nehru College; Manlun Melody d/o Manlun Ginchinkhup Zou, Staff Nurse, Dr Ram Manohar Lohia Hospital, New Delhi; Lawrence Kapkhenmang Munluo s/o M Ginzasuan, Manipur Police Service, Govt of Manipur; T Beatrice Nienglunkim d/o Dr Philip Thanglienmang, Class XII Arts, Convent of Jesus and Mary, CBSE, TD Cyril Mimin Zou s/o TD Simon Kamchinkhup, Sub-inspector in Central Armed Police Force (CAPF).

Tuoban ah ZYO Delhi in kumteng in Good Samaritan Award pe gige a, tutung in Sianzahau pieh in um hi. Naomi Haumuanching, staff nurse, Safdarjung hospital, New Delhi zong ZSP mi tung a sil bolhoi jiehin pahtawina pieh hi. Tuoban ah tukum in ZSP in Personality of the Year award bawl a, tami award Bruce K Thangkhal in Zou mipi banah NE mipite a dia nnasem hoih ahina tung ah pieh in um hi.

Freshers Meet nin Zou puan a kichei hoih penpen pasal leh numei khat teng khiat ahi a, tami Best Traditional Attire award ahileh pasal ah Mangminlun Munluo in la a, numei ah Niangneilam in la hi. Tami award ahileh Bangalore-based ZOiNN.com te sponsor ahi.

Tukum Mister and Miss Fresher kidemna ah Thangsuankap leh Niangneivah in Mister Fresher leh Miss Fresher title la uhi.

First Session ah Kevin Kapmuanthang leh Sulvia Lhingnunmawi compere in pang ua, hun a nopthei pen in mipi zatpi uhi. M Hauminthang leh Kimboi Mate in Freshers Parade sai ua, fresher te thudohna jong nei uhi. ZPCS pastor Zamlianpau Zou in thumna nei in first session zaw in um hi.

Second Session ah feltah leh zeitah mai in Ginminlun leh Sarha Chingdeilun te'n compere ua, programme pen rock mama mai hi.

Lasah siam Diana, Ruth, Rose, Snoopy leh Zotal Band ten mipi bil leh mit tai sah mama uh hi'n kiza hi. Chief Guest in dangka 50,000 toh ZSPDB phungvuh hi.

ZSPDB general secretary Hauminlun in annual report pia a, ZSPDB vice president Joseph Zamchinlian in vote of thanks genna nei zaw in MELCD pastor Khamkhenthang in Benediction toh hunkhah in um hi. Buaina bangma umlou in hun nuomtah a zat in um hi.

~ Bruce K. Thangkhal | ZOGAM TODAY

Share: