HH Mate in award 100 sa'ng ta

New Delhi, Dec 12, 2013 – Tuni nitah nai 2:00 in Constitution Club, New Delhi ah Dr H. Hemkholun Mate aka H H Mate in award 4 sa'ng. Award 100 a dawnna hita hi. 

Indian Soceity for Industry & Intellectual Development, New Delhi leh Economic Growth Society of India te saina nuai ah, tuni’a National Seminar on Oustanding Contribution for National Progress & World Peace kineina hun ah award 4 - Rashtirya Shiksha Shree Award; Rashtirya Vikas Shiromani Award; Janseva Sadbhavana Award leh National Corporate Leadership Award sa’ng hi.

Dr Mate ahileh nih vei zen Padma Shree Award a ding in a min nominate (teel) in um a, hinanleh Manipur solkal in a min Padma Shree Award lah ah telsahlou, kithangsiatna sa’ng mama ahidan jong Zogam Today hil hi.

Agenbehna ah award 100 a dawnna tung ah KSO leh Kuki Inpi te'n thupitah in a lawpna leh pahtawina bawlsah ding uh ahidan zong gen hi.

Nov 18, 2013 ni'n Dubai ah Asia Pacific Global Award, Global Corperate Leadership Award, International Gold Star Award leh International Status Award for Asia Education Excellence sang hi.

Ei North East gam hileh India sung pumpi ah tambang a Award 100 mu kivang mama hi’n kigen hi.

Dr Mate in tulel in Principal cum Director, Dr S. Radhakrishnan Foundation School, Tuibuang hina tu hi. 

~ Bruce K. Thangkhal, Joint Editor, ZOGAM TODAY

 

Share: