Imphal, Oct. 22: Manipur culture kepbitna ding toh kisai leh dopsangna ding lunglutna nei cultural institutions/organisations pawlte'n pupa tawndan/ngeina/singtangmi paidan toh kisai lahna Sangai Festival 2013 om ding a a neihnop uleh kingetna piaklut theih laitak ahi. Kingetna khempeuh Dr. K. Sobita Devi, Director, Art & Culture, Manipur/Convenor, Cultural Sub-Committee, Sangai Festival 2013 kiang ah piaklut ngai ding a, a sawttawp in minutes 10/15 vel lel a sau ahih ngai ding hi.
Hiai a tung a kigen a lak nuamte'n a laam dingte tanchin, min, pa/nu min, leh address kimtak toh passport size limlak 3 (thum), Secretary/Troupe Leader contact number ban ah a lah ding pen uh tanchin tomkim toh a telna pawl uh min tanchin leh a phuaktu/bawltu/laam zilsaktu tanchin leh a lah ding uh penpen video CD/DVD a piaklut masak uh ngai masa ding hi.
Hiai a tung a kigen Sangai Festival 2013 a tel dia kingetna penuamte'n October 31, 2013 tan in piaklut ngai ding a, huai nung a pete bel pom hilou ding chi'n thusuak in taklang hi. Kingetna petute committee in enkhawm lai ding ua, telkhiat a omte'n Sangai Festival 2013 chiang in lahna mipi mai ah neithei pan ding uhi. Hiai tungtang ah committee thupukna pen thutawp hong hipah mai ding ahi chi in leng huai thusuak in taklat behlai hi.
Source: Lamka Post/ Zogamonline.com
.JPG)
No comments:
Post a Comment
Comments not related to the topic will be removed immediately.