ZORO PRESS STATEMENT

ESTD 1988

ZO RE-UNIFICATION ORGANISATION (ZORO)

General Headquarters: Zoram

Treasury Square, Aizawl -796001

(Affialiated under:United Nations Permanent Forum on Indigenous Issues(UNPFII)

& Expert Mechanism on the Rights of Indigenous Peoples (EMRIP) since 2004

           

PRESS RELEASE

6^th September 2013

                

ZO REUNIFICATIO ORGANISATION (ZoRO) hi 'First World Zomi Convention' tia vuahin Manipur Churrachandpur District  chhunga  Political Party pakhat 'ZOMI NATIONAL CONGRESS(ZNC)leh Mizorama Political Party pakhat Peoples Conference (PC)India hnuaia awmte bul tum leh buatsaihin bial hrang hranga Zo hnam peng hrang hrang te koh khawm a ni a. He in kohkhawm hi 1^st World Zomi Convention tia vuah a ni a, Zo khawpui Champhai, Mizoramah May ni 19, 20, 21, 1988-ah inkhawmpui hi neih a ni. Inkhawmpui neih lai May Ni 20 ni hian Pu C.Chawngkunga Ex.Minister Pa te Leilet-Thlam,Sikul atana an hman lai ah a hming tur hi rei tak sawiho a ni a, Zomi  nge hman tur Mizo  tih ngaihtuah a ni a. Mi tih tel ve kher lo Zotung, Zophei, Bawmzo, leh Jo leh a dang dangte ngaihtuah chungin 'ZO'tih hi nisela,a bul leh tawpa belhin min tibuai lo se, pawl hming atan chuan'ZO'tih hi hman ni rawh se tia khaikhawm a ni ta a ni. He pawl hi Loose Political Forum a nih dawn avangin NGO style lam hawiin 'ZO RE-UNIFICATION ORGANISATION' tia a hming vuahin din a ni ta a ni. Hruaitu hmasa te chu:

Chairman          :              Brig.T. Sailo (Ex Chief Minister)

Vice Chairman:               1) Pu T.Gogin (Ex Minister)

                                      2) Pu C. Chawngkunga (Ex Minister)

Secretary Generals       : 1) Pu Thangkhan Gin Ngaihte

                                      2) Pu Lalhmingthanga (Ex Minister)

            Tichuan,a tum ber anga lang thupui 'Slogan' tarlan turah chuan RE-UNIFICATION WITHIN INDIA tih hman ni se tia rel a ni bawk. Hei hi India Danpui hnuaia awm Politicl Party te tan chuan thu tihtluk san theih ber a ni reng a ni.

            Mizoram leh Manipur State party te bul tuma buatsaih a nih avangin a hruaitu atan pawh Party hruaituten an chelh kawp rih mai a. 1989-ah beisei loh taka inthlanpui a lo awm tak thut avangin Party pakhat hruaitute chuan ZoRO Volunteers te chu hmanruaah an hmang ta a, hnampum thil ni si Party pakhatin hetianga an hmang ta hi mipuiin an hrethiam ta lova, inthlannaah an tlin phah  chuang bawk lo a. Inthlan  zawhah chuan a nihna ang tur tak NGO anga kal chu 1990-ah rel tluk a lo ni leh ta a ni., A tira hruaitu: President leh Vice President te leh Secretary General te chu Party lama awm an duh zawk tak avang leh Party pawhin party chhuahsan lo tura an duh bawk avangin Party lamah an bet ta hlawm a. NGO a nihna ang taka kal tur leh a kalhmang thar tur te buaitsaih turin Treasurer atana thlan Pu R. Thangmawia hovin 2^nd World Zo Re-Unification Organisation Convention (ZoRO) chu July 1991-ah koh a ni leh ta a ni. 2^nd World Convention chuan hruaitu an thlang a, hruaitu an thlan chhuah te chu  Chairman:Pu R.Thangmawia, Vice Chairman –Pu Tlangchhunga (Ex MLA), Treasurer - Pu Zalianchhunga, Secretary General- Dr. H. Thanglawra te an ni.

            2^nd World Zo Reunification Organisation Convention hian 1^st World Zomi Convention-in'Zo Reunification Organisation'a din hmangin a slogan tur a ti danglam ta a, International thu leh hla rem turin 'Reunification in Conformity with the Chin-Lushai Conference 1892 Resolution' tia thlak a lo ni ta a ni. Tichuan, hruaitu thlanchhuah tharte chuan International thlenga hma lain vawiin thleng hian a la kal chho ta zel a ni.

            Hetiang hian Zo Reunification Organisation General Headquarters chu United Nations Session buatsaihah te pawh 1999 atanga tun thlengin a tel chho ve ta zel a, Hnam pum huapin ZoRO,GHQ chuan hma a la chho ta zel a. Tunah pawh kumin March thlaa alo rel tawh angin Northern Zone bik tan October Ni 24, 2013, hian UN Day Celebration ni pahfawmin, Moreh, Chandel District, Manipur-ah Conference nei turin a inbuatsaih chho mek a ni. He Conference-a tel tur hian a huap theih chhunga mite leh a chhim thei mi tu pawh ZoRO, General Headquarters chuan a sawm vek e.

Sd/-

(R. LALCHHUANA)

General Secretary

Share: