Thanlon MLA Vungzagin Valte in Award 4 leh Gold Medal 1 sa’ng

New Delhi, April 8, 2013: Zani (Pasianni) in Friendship Forum of India saina nuai ah National Level Seminar on “Economic Growth & National Unity” kichi India International Centre, New Delhi ah nei in um. Tuanah Thanlon MLA leh Parliamentary Secretary Vungzagin Valte (Hort. SC & CADA) in Seminar paper present bawl.

Vungzagin Valte in seminar paper a present-na ah i tenna gam singtang gam ah coffee, singpite (tea plantation), guo (bamboo plantation) leh haichi tuamtuam thei (ceitrus/lemon), lengthei (orange), natang (banana), grape-te kichiin theina dia panla apoimaw thu tahlang hi. Agenbehna ah Manipur leitang puophat lei a gam a piang kining ching “Self-sufficient State” ahi thei ding dan zong gen a, tuaban ah international tanpha a Business Centre minthang Hongkong ahilouleh Singapore-te dinmun bang a um thei  ding chi ngaidan gen. Chief Guest leh mipoimaw hing peikhawm ten tambang hing ngai poimaw ding in zong gen hi.

Vungzagin Valte in award 4 -- trophy 3 leh Gold 1 sang. Rajiv Gandhi Arch for Excellence Award, Bharat Execellence Award, North Eastern Personalities Award leh Friendship Forum of India Award (Outsanding Contribution) kichi Chief Guest Dr. DVG Krishnamurthy, former Election Commissioner of India khut apat sang hi.

Thanglon MLA-pu ahileh ei Zomi MLA-te lah ah mithu tah mama khat hi’n thu kiza a, aman tunai in MLA atu kumkhat (March 14, 2012- March 14, 2013) chin sung in Thanlon khantouna dia nna a sepkhiette ipneilou in mipite simkhiet theidi'n tahlang hi.

~ Bruce K. Thangkhal, Joint Editor, ZOGAM TODAY

Share: