ZOGAM TODAY Joint Editor in Zomite ‘MEDIA’ training pia

New Delhi, Feb 4 [ZOGAM TODAY] --- Zogam Today in kalsuon tou zel in Joint Editor Bruce K. Thangkhal, tulel a North East Helpline ah media incharge pawtu in Delhi Vikaspuri a um Zomite zanin (Feb 3) one-day training on "Basic Principles of Journalism: News Reporting" chi thupi a nei in free training neipi hi. Tami training ah pastor, upa, philantrophic leh organisation tuomtuom apat tel uhi. Zogam Today Joint Editor in, "Zomite pen khovel mun tuomtuom a kithezah a, buoina hasatna tampi tuo ngai ding uhi. Tua chauh hilou in nopni dahni a kithuzah theina ding tupna leh Zomite kithuzatuohna (communication) lamah khantou semna ding deina toh kibawl" hin gen. Tulai Zomite pen khovel ning li ah kitheza a, tuaten 'internet' (twitter,facebook, etc) tungtawn ah thu thehzah ding dan 'news report' gelh dan taangpi a thei uh poimaw a. Tualeh amau te'n phat uh deisahna toh kibawl hi chi'n Joint Editor in gen. Vikaspuri ahileh Delhi a Burmese refugee umna munpi khat ahi a, tuletu in Burmese refugee 10,000 val um hin kiza a, tualah ah Zomi 3000-4000 bang um uh hin kigen hi. Tami one-day training ah Khamminthang, liaison officer, Zomi Information Centre, Delhi in maban ah tambang zawptou zel hoi a sah thu gen. Khamminthang ahileh information lam sai khat ahiban ah Burmese refugee-te dia nasem ngai ahi, aman Burmese ham in news report-te ana gelh ngai a, Burmese press-te toh ana kithuza gige hi'n zong gen hi. Refugee a Delhi a um ahizieh un hasatna tampi ana tuo ngai ua, tua zieh in tambang training in maban ah amaute lam tuomtuom a panpi mama ding a hidan zong gen hi. Zogam Today Joint Editor in agenna ah Delhi sung a um unau Burma Zomite tung ah bawlsiatna leh thagum a gamtatnate puonatpi kawm leh amau ten 'internet (online)' tungtawn a thu a thezah thei semna ding lunggulhna zal a tambang hing pieng khia hi'n gen a, tam lunggulhna khu 2009 in ana vei a, hinanleh zani (Feb 3) nin pat in ana um theibep hi'n gen. Thudang khat ah inua kal in Zomi numei naupang kum 11-23 kikal mi 9 leh Chin mi khat Manipur mi eimi numei Kim aka Margaret kichi khat in kolte kungah sum toh ana zuah a, amanu tulel in police khut ah mat in um hi. Tualeh thudang kha ah Northeast mi khat i nuakum June a Delhi a gari in a phukha tutan Delhi Police in matzawlou akigen thu (case) Bruce K. Thangkhal in tuni'n Court ah nasah tah mai in va genpih hi. Hunpeisa hun a Delhi ah Northeast mite'n hasatna tampi tuo zing uhi. Photo: Khamminthang, Zomi Information Centre, Vikaspuri

Share: