LOCAL NEWS REPORTS : TSP in Silver Jubilee thupi tak in lawm

LAMKA, Dec 18: Thangkhal Sinlai Pawlpi (TSP)/ General Headquaters in tuni sunma dak 11:30 in S Geltui khua ah Silver Jubilee lawm ua, Ginsuanhau, MLA 60-Singngat Assembly Constituency chief guest a pang in, Silver Jubilee suangphuh hong khia a, Rev. S Khaisuanmang, Executive Director, Thangkhal Bible Church in Pathian kiang ah Jubilee suangphuh lan hi. Functional president in Thangkhenhang @ TK hang, Chairman, Zomi Chief Association pang a, chief host in S. Lianzamang chief of S. Geltui pang hi. Chief guest in thugenna ah Thangkhal Sinlai Pawlpi(TSP) tuni chiang a kum 25 bang chingta ahihna ah tuni tan in TSP sung ah laisiamna lam ah bangtan tungta hi'n gen a, kuapeuh kei leng sinlai ka hi a, sinna peuh ah chihtak leh taimakna suahni chi'n chialna bawl a, IAS, IPS leh IRS te kuamah a ding tuam hilou chi hi. Mi kuhkal leh taimate a dia om ahih dan gen in, hiai tan tung zou a laisim ding in sinlaite hasuan hi. S. Geltui khua ah Community hall lam ding in order omta ahihdan gen a, Electric meivak leng tu Christmas a muding uh ahihdan leh tui toh kisai kum nawn a plan ah guang ding in gen hi. Tuni nitak dak 6 in Silver Jubilee Musical Nite zang ua, hiai hun ah, Grace Zamnu, MDC, Sianzadong, Chairman Finance Committee/ADCC, Suanchinpau, MDC, Tongkai Baite, MDC, T Goukhomang, President, ZYA/ General Headquaters leh Pauminlian, President, Thangkhal Peoples Organisation(TPO) te'n special guest hihna toh uap uhi. The Lamka Post | December 19, 2012 http://www.zogamonline.com/news/lamka-post/14034-the-lamka-post-december-19-2012.html Thangkhal Sinlai Pawlpi in Silver Jubilee lawm Lamka, Dec 18: Tangkhal Sinlai Pawlpi (TSP) in S. Geltui khuo (Singngat sub-div) ah kum 25 chinna Silver Jubilee thupi tahin lawm uhi. Tami Jubilee ah Ginsuanhau, Singngat MLA, Thangkhenhang (Chief of S. Zezaw) leh S. Lianzamang (Chief of S. Geltui) te'n Chief Guest, Functional President leh Chief Host hina toh uop in vaiguon hun ah mipi 200 kikal peikhawm uhi. Ginsuanhau, MLA in TSP Silver Jubilee muolsuong hong na nei in Rev. Kaikhanmang in Pasian kung a latna nei hi. Tam hun a Chief Guest-pu in athugenna ah Zou Nam sung a Thangkhalham, Gungalham khentuom theilou, Zou suan chiet leh tuun sung khat pan a piang hi ngeingei a, koimaw kikhentuom theilou chi hi. Aman athugenna ah mihing a piang photphot ipian apat ishi tan a simlai/zillai ihi ua nulepate gentheina theipikawm a kukal tah a lai sim pi bawl a nu-le-pa thakhel teitei ding in TSP te han thawn hi. Tualeh ! angkhal sung ah IAS,IPS,IRS leh adang dang koima umlou a tuate dinmun luo ding in lai hoitah a sim a tup tinten ding in zong deisahna vaihah bawl hi. Tualeh S. Geltui khuo ah Thangkhal Community Hall bawl dia sanction umsa ahidan zong gen a, Water Scheme zong pe ding hi'n gen hi. Tualeh hunbeisa a akichiemna  Singngat A/C a laangva khusuoh ding achipen thakhat thu a hamsa ding ahi zieh in akhuokhuo a lottery bawl a aman khakha pieh masah ding leh abanban a tawn-touzel ding in zong thei-sah hi. Tualeh TSP te panpina in dangka Rs. 20,000 pie in maban ah zong apan thei na lam- lam a pang ding ahi dan zong gen hi. Courtesy: ZOGAM TODAY | December 19, 2012 THANGKHAL SINLAI PAWLPI SILVER JUBILEE Lamka, Dec 18, 2012: Thangkhal Sinlai Pawlpi General Headquarter in akiphuh khiak nung kum 25 chin lopna leh Silver Jubilee suang phuh hon khiakna tuni in S. Geltui khua ah nei uhi. Hiai Ginsuanhau MLA Singngat in chief guest hihna toh uap in Jubilee suangphuh hon khiakna nei a, Rev S. Khaisuanmang Excutive Director, Thangkhal Baptist Church in Jubilee suangphuh latna nei hi. Thangkhenhang @ TK Hang Chairman Zomi Chief Association in functional president hihna toh uap a, S. Lianzamang chief of S. Geltui in chief host hihna toh hiai hun zatna uap uhi. Hiai hun zatna a chief guest apang Ginsuanhau MLA Singngat in a thugenna ah, Zousuante lak a zou kampau zangte Khuangnung pau, Thangkhal pau leh a dang dang om a, tua pau tuamtuam te tunsung khat apan piang khe te ngen ihih kua mah in manghilh louh ding ahih dan gen a, huai ziak in kua mah kikhen tuam theilou ihi chi hi. Tua ban ah Thangkhal Sinlai Pawlpi te panlak dan etton tak asak dan leh pah tuak huai asak thugen a, mihing a piang khe photphot sihtan dong a siamsin ki hi vek a, a diak in laisim lai naupangte'n na nuleh pate un neilou sasa a na laisiam ding uh deih in school hoih taktak te hon kai sak ua, nou leng hoih tak a na laisimna te ua, gin om leh kuhkal tak pang ding na nuleh pate un na tung ua, sum hon sensakte uh bang chi leh din kik zou a om thei ding ka hi hiam chih ngaih tuahna na neih uh poimoh mahmah ahi chi hi. Thangkhal Sinlai pawlpi in tuni in Silver Jubilee lawmta mah le hang IAS, IPS chih a sap thei ding ki omlou ahih ziak na laisimna te ua, kukal leh gin om tak a na hong pang nak uh leh IAS, IPS chih nou hilou ding chih om tuan ahi chi'n gen hi. Tua ban ah development lam toh kisai a genna ah S. Geltu khua ah Thangkhal Community Hall ding sanction omsa ahih ta bawl theih dia om ahi chi a, Singngat Constituency sunga kikhekna (Change) omsak ding I gengente uh piching sakna ding in bi inn a teeng te kianga langva piak suak chih a om pe'n khat vei thu in pe suak zou kei mah le hang tunung sawtlou a hawm khiak hi pah ding chia, tua ah S. Geltui khua a ding kum nawn chiang Water Scheme khat koih sak ding ahih dan leng gen hi. December 18 | Skynet Media News Courtesy: http://www.phualvatimes.com/index.php/news/latest-news/614-december-18-skynet-media-news TSP in Silver Jubilee lawm ding LAMKA  Dec  15 Thangkhal Sinlai Pawlpi(TSP)/ General Headquaters in hongtung ding December 18 sunma dak 11 in S Geltui khua ah Silver Jubilee thupi tak in lawm ding uhi. Huai hun ah Ginsuanhau, MLA 60-Singngat Assembly Constituency chief guest a pang in, Silver Jubilee suang hong ding a, Rev. S Khaisuanmang, Executive Director Thangkhal Bible Church in Pathian kiang ah landing hi. functional president in Thangkhenhang @ TK Hang, Chairman, Zomi Chief Association pang ding a, chief host in S. Lianzamang pang ding hi. Huaini nitak dak 6 in Siolver Jubilee Musical Night zang ding ua, huai ah, Grace Zamnu, MDC, Sianzadong, Chairman Finance Committee/ADCC, Suanchinpau MDC, Tongkai Baite MDC, T Goukhomang, President, ZYA/ General Headquaters leh Pauminlian, President, Thangkhal Peoples Organisation, in special guest hihna tawh uap ding uhi. The Lamka Post | December 16, 2012 http://www.zogamonline.com/news/lamka-post/14027-the-lamka-post-december-16-2012.html

Share: