SSC saina nuai ah 10+2 Combined Exam 2012 form fill up hun
laitak ahi a, Form fill up hun a theih ding a hoih kasak tamlou kup ka ut jual
hi. Form Fill up chiang in Post preference leh Posting preference piak ngai ahi
a, hih preference te tamlou kup uthuai kasa hi. Nidang in SSC in cross-posting
ana bawl ua, tuhun chiang in preference dan dungjui in leh merit dungjui in
posting abawl ta uhi. Tua ahih man in preference pen bawlsiam poimoh hi.
POST PREFERENCE:
Post omte ahihleh Data Entry Operator(DEO), LDC adng. DEO Grade pay 2400 ahi a,
Graduate level a post khenkhat Tax Assistant chihvel toh a grade pay kibang hi.
Tuajiak in hih pen 1st preference a koih ahoih ding hi. 6th
Pay omkhit apat Grade Pay ah service toh kisai thil tampi kinga mah2 hi.
Telsiam in.Preference piak ding a hoih kasak dan DEO, LDC, adng. Grade Pay en
in preference pia in.
POSTING PREFERENCE:
Posting pen khek haksa ahihman in pilvang poimoh kik hi. I gam pen buai mah2
leh jong igam khel omlou ahi. Mun dang nop huntok mahleh inu-leh-pa, sanggam
unau te omna mun ahih man in taisan a, manghilh chih omthei lou hi. Mun nop pi
ah om hinanlei igam mah kingai vevaw sam hi. Buai in buai kei taleh ‘Inngua leh gamgua kiteh theilou’ chih
manghilh louh ahoih. Na ut louh napi preference pe se dah mai in. Na ut nateng
chet pelel in.
10+2 level maimai chia simmoh ding ahikhol kei. Exam jong
graduate level toh kikhe khol lou ban ah post jong niam tuanlou ahi. Sepna
jonglai te ading a kipatna hoih ahi. Sepkhit chiang a asangjaw lam delh thei
tham ahi. Kei mimal ngaihdan in Bank clerk vel sang in ahoihjaw tham hi.
Atawpna ah, tutung apat in vangphatna hoihtak itang ua, SSC
in Churachandpur jong exam centre khat in akoihta hi. Hih omtheih na ding a
panla te jahna salaam kabuki hi. Mitampi’n ajal ijou ngei ding uh ka kinem hi. Kem siam
in hihbang hamphatna nungkik sak som kei ni. Kum sawtpi khit ah SSC in exam
centre thak ahon na ahipan hi. Toupa Thupha.
.JPG)
