Rev.Jangkholun Mangte namdetna ZCF Delhi ah om

Feb 13, 2011: Tuni biak kikhopna hun ah Zomi Christian Fellowship, Delhi in kum 5 sung full time Pastor ding in Rev. Jangkholun Mangte laklutna leh namdetna nei ding uhi. Amah ahihle hih ZCF, Delhi pastor ding a laipia mi 7 lak a deihpen leh achingpen a Executive Committee in atelkhiak ahi hi.

Rev. Jangkholun ahileh Thangkhal Bible Church, Manipur a 2006-07 sung executive Director ana hi a, Hih ZCF Pastor ahihmatan Director of Youth & Project  hihna ana tu hi. Ama lamkaihna nuai ah 2006 in Thangkhal saptuam in Silver Jubilee thupitak in ana lawm ta uhi.

Tanchin tomkim:

1. March 26, 1975 in Khuangmun khua ah Pu Paukhohen leh Pi Mangngaihniang ta masa pen ding in ana piang hi.

2. 1986 in Pasian lam a pianthakna ana ngah hi.

3. June 10, 1997 in Ms. Ginngaihching damsung a gentheih nopsak thuakpih ding in ana kitenpih hi. Amau'n ta numei 2 neita uhi.

4. Aman April 18, 2000 in Pastor ordination ana ngah hi.

5. 1999 in South India Baptist Bible College & Seminary (SIBBC&S) in Combaitore, Tamil Nadu ah Bachelor of Divinity (BD) ana ngah a, a lawinu Ginngaihching in 1996 in hih college mah ah BD ana ngah hi. Mrs. Mangte in ahihleh  Director of Women Department & Child Department in Thangkhal Bible Church (TBC), Manipur hihna atu hi.

Pastorpu ahihleh tu in Mahipalpur, Delhi ah om lel a, sawtlou in a innkuanpihte la ding in Manipur lam vazin suk ta ding hi. Pasian na asepna ah lohching leh gahpha ding a ideihsak thu i site tungtawn in itaklang uhi.

Tuni tan a India phualpi Delhi mun a Thangkhal ham jang Pastor na sem anihna ahi a, tu in Delhi mun ah Thangkhal ham jang Pastor nih kinei hi. Rev. Kamsuanlal, Lutheran Church, Delhi leh Rev. Jangkholun Mangte, ZCF, Delhi. Mailam ah amaute Pasian lam a kingakna ching leh lohching hitou jel ding in Pasian in gualjawl ta hen.

Share: