Felicitation Prog lohchingtak a zoh in om

New Delhi: Apaisa Dec.26 2009 in Tg. Thangboi Mate in SSC nuai a Tax Assistant amuh kipakpihna in Delhi Khalvontawite'n Pa HangP Inn, Munirka ah annkuang umkhawmna ana neita ua, Tuahun ah Pastor T.Lalpu in thumsakna zong nei hi. Hih hun pen nuamtak in kijang a a, member paikhawm te'n niang leh tai in aksa kinekhawm zaizai hi.Christmas kheklehni ahihban ah KHALVONTAWI News Bullettin kum nih Anniversary zong ahih ngal man in nuam mahmah chih ding hi.



Tuaban ah, apaisa Jan.02 2010 ni'n Lia hahat Inn, Munirka mah ah Tg. Thangsuanmung in CPO nuai a SI(CRPF) amuh kipakpihna annkuang ana ki umkhawm kik leuleu hi. Hih hun injong Pastorpu mah in thumsakna nei in member tamkhop kipaikhamw in nuam kisa mahmah hi. Hih ni pen kumthak kheklehni zong ahihban ah TCD lamkai lui leh thak ten incharge kipiak khiak na zong nei ngal uhi. Lamkai thakte Pastor T.Lalpu in thumsakna nei hi.

Khakhat sung a Khalvontawi te'n nihvei tak sepna muthak lopna hunzak kineithei ahihman in kipak huai kisa mahmah a, Pasian in Khalvontawite hibang a  ahung gualzawl na tung ah thupina,lalna,pahtawina tengteng Pasian ipia uhi. Mailam hun ah zong tusang a kipakpihna annkuang tamsem sokkhawm ding in Pasian in hung gualzawl chiat ta hen.

Share: