MTC te’n Seminar-cum-Training sai

Lamka, June 26: Manipur Tribals Council (MTC) pawlin state govt nuaia Tribal Research Institute (TRI) tawh pangkhawm in Synod Hall, IB Road ah tuni leh zingchiang tan daihding “Seminar-cum- Training on prevention of Atrocities Act. 1989 against Scheduled Castes & Scheduled Tribes” kichi sai uhi. Tuni zinglam dak 10:00 in DD Thaissi, Minister (TD/ Hills) in Chief Guest hihna tawh program hongkhia a, Functional President in T.Manga Vaiphei, Chairman MTDC pang hi.

DD Thaissi in agenna ah Manipur ah MDC election neihding tawh kisai in delimitation kibawl afellouh ziak in bangchik hun a MDC election omthei ding hiam chih theih hilou hi’n gen a, TD Minister ahihziak in Central Govt ah Tribal Development fund ding in Rs 300 cr va ngen hi’n gen hi. Aman agenbehna ah kum 20 val bang MDC election omlouh ziakin singtang mite’n hamphatna tamtak mansuah hi’n gen hi. T.Manga Vaiphei in agenna ah singtangmite’ lak ah hiai bang awareness tamsem poimawh hi’n gen a, i gam sung uah tribal rights kepbit nang a MTC & TRI te’n panla touzel ding in hasuan hi.

Seminar ah Siamzading Valte, Advocate in “Aims & Purpose of Atrocities Act” chih pansan in sinsak a, Prof.Laldena, Deptt of History MU in “Atrocities in the Matter of Land” chih thupi zang in sinsakna nei hi. June 27, 2009 zinglam dak 8:00 in seminar neinawn ding uh a, Henkholun Khongsai, Advocate in “Atrocities in the Matter of Education & Employment” thupi zang in sinsak dinga, Serto T.Kom, Advocate in “Offences & Remedies” chih pansan in sinsak ding hi. Hiai hun ah mipi tamtak paikhawm uhi.

[ME Jun 27, 2009]

Share: