News analysis: for the thinkers ::: ::: National :::
A 15veina India Lok Sabha Kiteelpina:
Congress Dinkikna, BJP Ngiamkiatna leh Left-te Puksiatna
Leitung a democracy gam mi tamna pen India ah April 16 - May 13 sungin Parliament Innpi luah di kituhna huaisetak zoh in aomta hi. Vote nei mi 71.4 crore (USA mising zahnih val) lakah 42.8 crore (60%) in polling centre 8,28,804 ah EVM 1,368,430 zangin hut(phase) 5 in vote khia hi. Election ah mi 19 in Maoist-te khutlum ah ahinna uh ana tanloh uhi. Kum dang sangin sum toh vote lei daang deuh banga theih ahi. Election 2004 in voter 67.5 crore lakah mi 37 crore (57.65%) in hut 4 in vote ana khia ua, mi 48 in ahinna ana tanloh uhi. Party tuamtuamte dinmun anuaia bang ahi:
SEAT MUHDAN: (Total No. of Seats - 543)
A. UPA = 262(Congress-206, DMK-18, NCP-9, TC-19, JMM-2, NC-3, Others-5)
B. NDA=157(BJP-116, JD(U)-20, SS-11, SAD-4, AGP-1, RLD-5
C. Third Front=80(Left-22, BSP-21, JD(S)-3, AIADMK-9, TDP-6, TRS-2, BJD-14, Others-3)
D. Fourth Front=27(SP-23,RJD-4)
E. Party neute & Independent-17
May 20 a UPA in President kiangah MP 274 support na lai apelut a May 22 in Minister thak tengin kicimna abawl uhi. BSP, SP leh RJD in atuam chiat in support pia ua, akigawm in MP 322 pha hi. Tutung election pen mi tamtak in majority hihna la zou omloua, “Hung Parliament” hi di’n agingta uhi. TV leh Newspaper tuamtuam in Exit/Opinion Poll-te ah UPA in hatpen hihna ana la mahleh amau chauh a solkal dingsak zou di’n kuamahin gingta lou hi. BJP zong kimuang khop ten, Third leh Fourth Front-te nasan zong ana eu vengvang sam uhi. May 16 a result kipuankhiat in 2004 a gintatlouh a Congress ahat dandeuh in zong Congress gintat sangin ahatzaw kik hi. LK Advani kinepna athawn kik a, Congress vaihawmna peibuai zing Letf-te maikhup ua, Congress dem a ana ham thau liahliah Lalu Prasad mai ap vawt hi. Zalenna kum 61 sunga kum 48 vaihawmna ana tu Congress mah mipi muantak pen asuak hi. Ahihtakleh bangziak mawngmawng a Congress in gual tungtuanna ngah ahia? BJP bangziaka ngiamkiat a, Left-te bang pentak in pukse sak ahia? Chihte KV News simtute theih dingin i sut suk zual ding uhi.
CONGRESS HATNA THUGUK
Kum 2004 a BJP “Shining India”(India Vangtang) campaign alohsap nung in, Congress in tutung Slumdog Millionaire film a lapi “Jai Ho” (Gualzohna Omta Hen) chih slogan nasa deuh in ahung tangkoupih uhi. March 24 a party Manifesto ahon hun un “Aam Admi Ke Badthe Kadam, Har Kadam Par Bharat Buland” (Mi nautang malam nawt in apai zela, akal suan sialin India akhangtou zel hi.) chih slogan atangkoupih uhi. Kum 5 paisa a Congress-te nasepkhiat teng laka a thupi deuh ataklatte uh: NREGA (mizawngte adia summuhna), Farm Loan Waiver(loukhoumite leiba ditna), JNURM(tuinek lakna), Right to Information(mipi’n solkal nasep diklou kalhtheihna) banah 6th Pay Commission(solkal nasem Babu-te adia manaa) chihte ahi. Minautang theihsiam louh Nuclear Deal leh gamsung venbitna lam uang gen lou in, annek-tuidawn, inn-le-lou, silh-le-te’n banah sepna lam ahah gen zaw uhi. Gamsung pumpi atheihphak khangthak Sachin Pilot, Naveen Jindal
Priya Dutt, Rahul Gandhi, Scindiya, Milind Deora etc. ziakin mipite muanna kibehlap hi. Tualeh Congres leh BJP toh kizomlou a Third leh Fourth Front phuhkhiata ahung om in India mi tamtakin party neuneute sanga Congress mah hat di deihzaw uhi.
Rahul Gandhi Panlakna: Election 2004 a Congress-te hatna Sonia ziak ahihbangin tukum election a Congress hatna Rahul ziak hi deuh hi. Amah tutung Congress adia Star Campaigner ahi. Tuibuang a Peace Ground simin mun tuamtuam 87,000 km a sau phakual hi. Kum 2004 a mun 15 chauh a thu ana gen himahleh tutung ni 35 sungin constituency 230 huamsung mun 122 ah thugenna anei a, apa Rajiv muhkholhna sepkhiat theihna dinga mipite’n hun lemchang pe di’n ngetna bawl hi. Sonia in mun 68 ah campaign bawl a Manmohan Singh in mun 20 ah bawl bep lel hi. India a mi 60% kum 35 nuailam ahihziakin khangthakte politics a tamsem lut a gamsung siam hoih di’n chialna thupitak bawl hi. UP seat 80 lakah Congress in 21 amu hi. Hih pen 2004 a toh etteh a seat 12 khat khang chihna ahi.
Pi Sonia Vaihawm Siamna: Rajiv Gandhi 1991 a sih nungin Congress in party makai muanhuai ana kitasam den hi. Congress in 1996 election a guallelhna ana tuak ziakin party sunga ginom tamtak akiphin zengzung uhi. Tuachi’n 1997 in Pi Sonia party sungah akileklut a, 1998 apat in lamkai hihna za aluah hi. Congress Party zun theih dandana ahung zun touhleh ahung khangtou huaihuai hi. Election 1999 in Bellary (Karnataka) leh Amethi (UP) ah ching tuaktuak hi. Kum 2004 a Rai Bareli(UP) a techinga aom banah a party a gualzohpih hi. Prime Minister hi thei ding dinmun a aomlai in Dr. Manmohan Singh ahung guan in mite ngaihsangna akibehlap mahmah hi. Kum 5 sunga UPA nasep khiat tamtak ama panlakna ziak ahi.
Pu Manmohan Singh Sephoihna: Lok Sabha a telching hi kha lou, Rajya Sabha MP ana hi, Dr Singh 1991 a India sum dinmun puksiat di ana hun khetu ahihziakin ana minthang mahmah hi. PM apan tungin energy (meivak) leh education (laisimna) lam ka puahthak ut chih ana gen hi. Indo-US Nuclear Deal a nung tawnlou a amasawn pen in mipite pahtatna sangsak mahmah hi. Mabanah university tampi honkhiat di chih panlakna apaitou zel hi. Manipur in zong khattei kitang sam dingin thu om hi. Mumbai Attack in Pakistan tungah ngohna khauhtak bawl a, amasapen di’n helpawlte’n agam uh pansan uh chih Pakistan in puangkhia khong khong hi. Hih pen India khangthua chiamteh tham ahi.(aban pek 8-na en in)
BJP NGIAMKIATNA ZIAK
Kum 2004 a angiamkiatna uh mizawngte nelhsiah ziak leh sahkhua zalenna susia chih ziak hi deuh hi. Tutung in zong akilamdang seng kei hi. BJP-te 1999 gualzohna ana pia Hindutva ideology ahi. Muslim leh Christian-te adi’n belh taklou suak hi. Ayodhya a Babri Masjid mun a Hindu Temple lam di chih ana tangtun zohlouh ziak un Hindu tamtakte’n kingakna taak sa nawnlou uhi. Hindu sahkhua kulmut taka apaipih pen uh khangthak tamtak in pom theilou hi.. Tualeh amau kamchiam, gamsung bitna leh gam pulam a sum kinawnkhiate lakkik di chihte mizawngte’n theisiamlou hi. Hihte banah lamkai kisuk ana neihlouh ziak uh zong ahi. Congress-te “Jai Ho” slogan lehthukna di’n “Kushal Neta, Nirnayak Sarkaar”(Lamkai muanhuai, thupukna bawlsiam solkal) chih ahung tangkouhpih uhi. April 3, a Manifesto apuankhiatna ua, Solkal hoih, Khantouhna leh Venbitna lama Congress lohsapna teng ataklang uhi. Hihte’n mipi a thuzoh zou kei hi.
LK Advani Huhamna: BJP in LK Advani Prime Ministerial candidate in puang ua, SMS leh website tungtawnin advertise apawngbawl mawk uhi. Campaign hah bawl pen a chiamteh ahi. Mun 130 tak a mipi kikhopna a thu ava gen hangin mipite bil ah athawl zou kei hi. Manmohan Singh amahtanga thupukna bawl ngamlou Sonia Gandhi khutnuaia om chi’n tang demin adem hi. TV a debate di nasan in achou nalai hi. Hih pen mimal vai a kichapousakna ahihziakin mi tamtakin ngaihhak sa hi. BJP sungah lamkai kituhna ahung om a party lamkai khenkhat in PM candidate di’n Gujarat CM Narendra Modi bang a genkha mawk uhi. Hih in mite muhna a muanlahna kibehlap sak va hiai hi.
Atal Bihari Vajpayee Omlouhna: Election 1999 a BJP ana gualzohpih thugen leh diplomacy siam Atal Bihari omlouh nungin BJP ngiamkiat mahmah hi. Mi khenkhat in, “Party diklou a mi dik omkha pa”(The right man in the wrong party) ana chi uhi. Hindutva ideology a kulmutlou deuh a paipihthei amah ahi. Amah omlou a BJP pen kengbaisa a vak abang hi. PM ahih hunsungin India khangthu a mang nawnlou di Pokhran-II nuclear test ana bawl hi. Kum 85 a upa, politics a pension Pu Vajpayee dang khat BJP in poimoh lai ahi.
Varun Gandhi Huatna Kammal: Amah Rajiv Gandhi u Sanjay leh Maneka Gandhi tapa ahi. BJP sahkhua zalenna susia chia mitamtak in apom theihlouh laiin ama’n Pilibhit(UP) constituency a campaign abawlna ah Muslim-te huatna thu tangkoupih hi. Hih ziakin Supreme court in case filed a jail tunloh hi. Hichibang thubuai om nung in zong BJP in amah candidate hihna pana paikhelou in agum den uhi. Telching in om a, ahi’n thugen in mun tamtak, adiakin UP leh MP a Muslim-te lungsim suheh mahmah a, a party ngiamkiatna tun hi. Congress in Sikh-te heh sukdaihna dia Sajjan Kumar leh Jagdish Tytler ticket piak di atawpkik un gen aneihlam BJP in ahun takin ana theilou uhi.
Narendra Modi Thubuai: Kum 2002 a BJP vaihawmlai a Gujarat tualgal a Muslim tamtak thah aomte tutan athubuai genfel hi nailou. Muslim-te adi’n hih tualgal mulkimhuai lungsim a manghilh theih mai hilou hi. Election kuan in Supreme Court in Special Investigation Team kiangah CM Narendra Modi tunga ngohna om pen suichian di’n thupiak abawl hi. Tualgal tunlai a minautang tamtak thah a aomlai in Modi in asukdaihna di’n bangmah panla lou chia ngoh in aom hi. Hih in gamsung a mi tamtak theih in Muslim-te thuakna athaksak kik hi.
LEFT-TE PUKSIATNA ZIAK
Left(CPI, CPI-M, Forward Bloc etc.)-te’n hun sawtpi West Bengal leh Kerala ah vaihawmna ana tutou charchar uhi. Kum 2004 in seat 61 ana ngah ua, tutung in seat 24 chauh amu zou bep uhi. UPA solkal apulama gupna abawl lai un mipite’n solkal nasepna lamzangsak ding in kinepna ana nei uhi. Ahi’n amau un Indo-US Nuclear Deal pen America in India a khazap nuaia akoih sawmna ziaka abawl chih ziakin hahtakin ana doudal ua UPA a support na ua pan akizukkhia uhi. Mi tamtakin India energy(meivak) taksap awnghukna di doudal chih ziakin pom theilou uhi. Tua banah UPA government nasep tamtak a soisel den pen un mipi lametna aselam ah a kaizaw hi.
West Bengal a Tata Company in Nano Car abawlna di bana gamdang MNC-te munpi di Singur leh Nandigram a mun aleisak ziak un loukhou leh mizawng tamtak in inn-le-lou tanloh uhi. Pi Mamata Banerjee in hih pen adoudal zoh ziakin 2004 a MP 1 chauh neizou Trinamool Congress in MP 19 tak aneiloh a Left-te’n 2004 a seat 35 amuhna uah tutungin 15 chauh amu uhi. Tuabanah Left ideology paipih dia lamet vawtlouh BSP, JD(S), TDP leh AIADMK toh ahung kizop un pen mipi mit donna liantak khat ahi. A lamkai uh Prakash Karat leh Jyoti Basu kikal ah zong kitheihsiamlouhna aom hi. Kerala ah zong CM Achutanandan makaih faction leh party State Secretary Pinarayi Vijayan kikal ah kituaklouhna huaisetak om hi. Apankhawm siamlouh ziak un seat 20 om lakah Congress+ in 13 ngah in CPI-M in seat 4 chauh angah hi.
Election 2009 a gualzohna ngah UPA in kum 5 sung detdou taka vai ahawmzoh ding uh lamet ahuai hi. Tu dinmun et in “Vote of no Confidence” chihte bang chu lauhuai pha nawnlou ding hi. Lehlamah democracy gam a vaihawmna diktaka apaitheihna dinga poimoh opposition lamte zong muanhuai mahmah uhi. Tutung Left party-te zong opposition lamah tou ding uhi. Hih in opposition-te dinmun hoihsak tuam mahmah hi. Alang nihnih ua muanhuai tuaktuak uh chihna ahi. Ahi’n kisel hat ziak chauh a nasep hat zong ahi tuan sam kei hi. India in i poimoh pen asepkhiat lam ahita hi. Kum 5 sunga Common Minimum Programme tungtawna mipite kianga a kamchiam tangtunlou uh chia mi tamtakin amohsak Congress mah in vaihawmna a tu kikta hi. Party dangte sanga adan omzaw chihna himai ding ahi. Demna bulompi toh telchinga om UPA in mipi lametna bang atangtun zou na di uai, chih kum 5 sunga i etkhiat di hita mailou ding maw?
- KVNEWS [Vol-IV Issue-2/April-June'09/Pek : 7-8 na]
A 15veina India Lok Sabha Kiteelpina:
Congress Dinkikna, BJP Ngiamkiatna leh Left-te Puksiatna
Leitung a democracy gam mi tamna pen India ah April 16 - May 13 sungin Parliament Innpi luah di kituhna huaisetak zoh in aomta hi. Vote nei mi 71.4 crore (USA mising zahnih val) lakah 42.8 crore (60%) in polling centre 8,28,804 ah EVM 1,368,430 zangin hut(phase) 5 in vote khia hi. Election ah mi 19 in Maoist-te khutlum ah ahinna uh ana tanloh uhi. Kum dang sangin sum toh vote lei daang deuh banga theih ahi. Election 2004 in voter 67.5 crore lakah mi 37 crore (57.65%) in hut 4 in vote ana khia ua, mi 48 in ahinna ana tanloh uhi. Party tuamtuamte dinmun anuaia bang ahi:
SEAT MUHDAN: (Total No. of Seats - 543)
A. UPA = 262(Congress-206, DMK-18, NCP-9, TC-19, JMM-2, NC-3, Others-5)
B. NDA=157(BJP-116, JD(U)-20, SS-11, SAD-4, AGP-1, RLD-5
C. Third Front=80(Left-22, BSP-21, JD(S)-3, AIADMK-9, TDP-6, TRS-2, BJD-14, Others-3)
D. Fourth Front=27(SP-23,RJD-4)
E. Party neute & Independent-17
May 20 a UPA in President kiangah MP 274 support na lai apelut a May 22 in Minister thak tengin kicimna abawl uhi. BSP, SP leh RJD in atuam chiat in support pia ua, akigawm in MP 322 pha hi. Tutung election pen mi tamtak in majority hihna la zou omloua, “Hung Parliament” hi di’n agingta uhi. TV leh Newspaper tuamtuam in Exit/Opinion Poll-te ah UPA in hatpen hihna ana la mahleh amau chauh a solkal dingsak zou di’n kuamahin gingta lou hi. BJP zong kimuang khop ten, Third leh Fourth Front-te nasan zong ana eu vengvang sam uhi. May 16 a result kipuankhiat in 2004 a gintatlouh a Congress ahat dandeuh in zong Congress gintat sangin ahatzaw kik hi. LK Advani kinepna athawn kik a, Congress vaihawmna peibuai zing Letf-te maikhup ua, Congress dem a ana ham thau liahliah Lalu Prasad mai ap vawt hi. Zalenna kum 61 sunga kum 48 vaihawmna ana tu Congress mah mipi muantak pen asuak hi. Ahihtakleh bangziak mawngmawng a Congress in gual tungtuanna ngah ahia? BJP bangziaka ngiamkiat a, Left-te bang pentak in pukse sak ahia? Chihte KV News simtute theih dingin i sut suk zual ding uhi.
CONGRESS HATNA THUGUK
Kum 2004 a BJP “Shining India”(India Vangtang) campaign alohsap nung in, Congress in tutung Slumdog Millionaire film a lapi “Jai Ho” (Gualzohna Omta Hen) chih slogan nasa deuh in ahung tangkoupih uhi. March 24 a party Manifesto ahon hun un “Aam Admi Ke Badthe Kadam, Har Kadam Par Bharat Buland” (Mi nautang malam nawt in apai zela, akal suan sialin India akhangtou zel hi.) chih slogan atangkoupih uhi. Kum 5 paisa a Congress-te nasepkhiat teng laka a thupi deuh ataklatte uh: NREGA (mizawngte adia summuhna), Farm Loan Waiver(loukhoumite leiba ditna), JNURM(tuinek lakna), Right to Information(mipi’n solkal nasep diklou kalhtheihna) banah 6th Pay Commission(solkal nasem Babu-te adia manaa) chihte ahi. Minautang theihsiam louh Nuclear Deal leh gamsung venbitna lam uang gen lou in, annek-tuidawn, inn-le-lou, silh-le-te’n banah sepna lam ahah gen zaw uhi. Gamsung pumpi atheihphak khangthak Sachin Pilot, Naveen Jindal
Priya Dutt, Rahul Gandhi, Scindiya, Milind Deora etc. ziakin mipite muanna kibehlap hi. Tualeh Congres leh BJP toh kizomlou a Third leh Fourth Front phuhkhiata ahung om in India mi tamtakin party neuneute sanga Congress mah hat di deihzaw uhi.
Rahul Gandhi Panlakna: Election 2004 a Congress-te hatna Sonia ziak ahihbangin tukum election a Congress hatna Rahul ziak hi deuh hi. Amah tutung Congress adia Star Campaigner ahi. Tuibuang a Peace Ground simin mun tuamtuam 87,000 km a sau phakual hi. Kum 2004 a mun 15 chauh a thu ana gen himahleh tutung ni 35 sungin constituency 230 huamsung mun 122 ah thugenna anei a, apa Rajiv muhkholhna sepkhiat theihna dinga mipite’n hun lemchang pe di’n ngetna bawl hi. Sonia in mun 68 ah campaign bawl a Manmohan Singh in mun 20 ah bawl bep lel hi. India a mi 60% kum 35 nuailam ahihziakin khangthakte politics a tamsem lut a gamsung siam hoih di’n chialna thupitak bawl hi. UP seat 80 lakah Congress in 21 amu hi. Hih pen 2004 a toh etteh a seat 12 khat khang chihna ahi.
Pi Sonia Vaihawm Siamna: Rajiv Gandhi 1991 a sih nungin Congress in party makai muanhuai ana kitasam den hi. Congress in 1996 election a guallelhna ana tuak ziakin party sunga ginom tamtak akiphin zengzung uhi. Tuachi’n 1997 in Pi Sonia party sungah akileklut a, 1998 apat in lamkai hihna za aluah hi. Congress Party zun theih dandana ahung zun touhleh ahung khangtou huaihuai hi. Election 1999 in Bellary (Karnataka) leh Amethi (UP) ah ching tuaktuak hi. Kum 2004 a Rai Bareli(UP) a techinga aom banah a party a gualzohpih hi. Prime Minister hi thei ding dinmun a aomlai in Dr. Manmohan Singh ahung guan in mite ngaihsangna akibehlap mahmah hi. Kum 5 sunga UPA nasep khiat tamtak ama panlakna ziak ahi.
Pu Manmohan Singh Sephoihna: Lok Sabha a telching hi kha lou, Rajya Sabha MP ana hi, Dr Singh 1991 a India sum dinmun puksiat di ana hun khetu ahihziakin ana minthang mahmah hi. PM apan tungin energy (meivak) leh education (laisimna) lam ka puahthak ut chih ana gen hi. Indo-US Nuclear Deal a nung tawnlou a amasawn pen in mipite pahtatna sangsak mahmah hi. Mabanah university tampi honkhiat di chih panlakna apaitou zel hi. Manipur in zong khattei kitang sam dingin thu om hi. Mumbai Attack in Pakistan tungah ngohna khauhtak bawl a, amasapen di’n helpawlte’n agam uh pansan uh chih Pakistan in puangkhia khong khong hi. Hih pen India khangthua chiamteh tham ahi.(aban pek 8-na en in)
BJP NGIAMKIATNA ZIAK
Kum 2004 a angiamkiatna uh mizawngte nelhsiah ziak leh sahkhua zalenna susia chih ziak hi deuh hi. Tutung in zong akilamdang seng kei hi. BJP-te 1999 gualzohna ana pia Hindutva ideology ahi. Muslim leh Christian-te adi’n belh taklou suak hi. Ayodhya a Babri Masjid mun a Hindu Temple lam di chih ana tangtun zohlouh ziak un Hindu tamtakte’n kingakna taak sa nawnlou uhi. Hindu sahkhua kulmut taka apaipih pen uh khangthak tamtak in pom theilou hi.. Tualeh amau kamchiam, gamsung bitna leh gam pulam a sum kinawnkhiate lakkik di chihte mizawngte’n theisiamlou hi. Hihte banah lamkai kisuk ana neihlouh ziak uh zong ahi. Congress-te “Jai Ho” slogan lehthukna di’n “Kushal Neta, Nirnayak Sarkaar”(Lamkai muanhuai, thupukna bawlsiam solkal) chih ahung tangkouhpih uhi. April 3, a Manifesto apuankhiatna ua, Solkal hoih, Khantouhna leh Venbitna lama Congress lohsapna teng ataklang uhi. Hihte’n mipi a thuzoh zou kei hi.
LK Advani Huhamna: BJP in LK Advani Prime Ministerial candidate in puang ua, SMS leh website tungtawnin advertise apawngbawl mawk uhi. Campaign hah bawl pen a chiamteh ahi. Mun 130 tak a mipi kikhopna a thu ava gen hangin mipite bil ah athawl zou kei hi. Manmohan Singh amahtanga thupukna bawl ngamlou Sonia Gandhi khutnuaia om chi’n tang demin adem hi. TV a debate di nasan in achou nalai hi. Hih pen mimal vai a kichapousakna ahihziakin mi tamtakin ngaihhak sa hi. BJP sungah lamkai kituhna ahung om a party lamkai khenkhat in PM candidate di’n Gujarat CM Narendra Modi bang a genkha mawk uhi. Hih in mite muhna a muanlahna kibehlap sak va hiai hi.
Atal Bihari Vajpayee Omlouhna: Election 1999 a BJP ana gualzohpih thugen leh diplomacy siam Atal Bihari omlouh nungin BJP ngiamkiat mahmah hi. Mi khenkhat in, “Party diklou a mi dik omkha pa”(The right man in the wrong party) ana chi uhi. Hindutva ideology a kulmutlou deuh a paipihthei amah ahi. Amah omlou a BJP pen kengbaisa a vak abang hi. PM ahih hunsungin India khangthu a mang nawnlou di Pokhran-II nuclear test ana bawl hi. Kum 85 a upa, politics a pension Pu Vajpayee dang khat BJP in poimoh lai ahi.
Varun Gandhi Huatna Kammal: Amah Rajiv Gandhi u Sanjay leh Maneka Gandhi tapa ahi. BJP sahkhua zalenna susia chia mitamtak in apom theihlouh laiin ama’n Pilibhit(UP) constituency a campaign abawlna ah Muslim-te huatna thu tangkoupih hi. Hih ziakin Supreme court in case filed a jail tunloh hi. Hichibang thubuai om nung in zong BJP in amah candidate hihna pana paikhelou in agum den uhi. Telching in om a, ahi’n thugen in mun tamtak, adiakin UP leh MP a Muslim-te lungsim suheh mahmah a, a party ngiamkiatna tun hi. Congress in Sikh-te heh sukdaihna dia Sajjan Kumar leh Jagdish Tytler ticket piak di atawpkik un gen aneihlam BJP in ahun takin ana theilou uhi.
Narendra Modi Thubuai: Kum 2002 a BJP vaihawmlai a Gujarat tualgal a Muslim tamtak thah aomte tutan athubuai genfel hi nailou. Muslim-te adi’n hih tualgal mulkimhuai lungsim a manghilh theih mai hilou hi. Election kuan in Supreme Court in Special Investigation Team kiangah CM Narendra Modi tunga ngohna om pen suichian di’n thupiak abawl hi. Tualgal tunlai a minautang tamtak thah a aomlai in Modi in asukdaihna di’n bangmah panla lou chia ngoh in aom hi. Hih in gamsung a mi tamtak theih in Muslim-te thuakna athaksak kik hi.
LEFT-TE PUKSIATNA ZIAK
Left(CPI, CPI-M, Forward Bloc etc.)-te’n hun sawtpi West Bengal leh Kerala ah vaihawmna ana tutou charchar uhi. Kum 2004 in seat 61 ana ngah ua, tutung in seat 24 chauh amu zou bep uhi. UPA solkal apulama gupna abawl lai un mipite’n solkal nasepna lamzangsak ding in kinepna ana nei uhi. Ahi’n amau un Indo-US Nuclear Deal pen America in India a khazap nuaia akoih sawmna ziaka abawl chih ziakin hahtakin ana doudal ua UPA a support na ua pan akizukkhia uhi. Mi tamtakin India energy(meivak) taksap awnghukna di doudal chih ziakin pom theilou uhi. Tua banah UPA government nasep tamtak a soisel den pen un mipi lametna aselam ah a kaizaw hi.
West Bengal a Tata Company in Nano Car abawlna di bana gamdang MNC-te munpi di Singur leh Nandigram a mun aleisak ziak un loukhou leh mizawng tamtak in inn-le-lou tanloh uhi. Pi Mamata Banerjee in hih pen adoudal zoh ziakin 2004 a MP 1 chauh neizou Trinamool Congress in MP 19 tak aneiloh a Left-te’n 2004 a seat 35 amuhna uah tutungin 15 chauh amu uhi. Tuabanah Left ideology paipih dia lamet vawtlouh BSP, JD(S), TDP leh AIADMK toh ahung kizop un pen mipi mit donna liantak khat ahi. A lamkai uh Prakash Karat leh Jyoti Basu kikal ah zong kitheihsiamlouhna aom hi. Kerala ah zong CM Achutanandan makaih faction leh party State Secretary Pinarayi Vijayan kikal ah kituaklouhna huaisetak om hi. Apankhawm siamlouh ziak un seat 20 om lakah Congress+ in 13 ngah in CPI-M in seat 4 chauh angah hi.
Election 2009 a gualzohna ngah UPA in kum 5 sung detdou taka vai ahawmzoh ding uh lamet ahuai hi. Tu dinmun et in “Vote of no Confidence” chihte bang chu lauhuai pha nawnlou ding hi. Lehlamah democracy gam a vaihawmna diktaka apaitheihna dinga poimoh opposition lamte zong muanhuai mahmah uhi. Tutung Left party-te zong opposition lamah tou ding uhi. Hih in opposition-te dinmun hoihsak tuam mahmah hi. Alang nihnih ua muanhuai tuaktuak uh chihna ahi. Ahi’n kisel hat ziak chauh a nasep hat zong ahi tuan sam kei hi. India in i poimoh pen asepkhiat lam ahita hi. Kum 5 sunga Common Minimum Programme tungtawna mipite kianga a kamchiam tangtunlou uh chia mi tamtakin amohsak Congress mah in vaihawmna a tu kikta hi. Party dangte sanga adan omzaw chihna himai ding ahi. Demna bulompi toh telchinga om UPA in mipi lametna bang atangtun zou na di uai, chih kum 5 sunga i etkhiat di hita mailou ding maw?
- KVNEWS [Vol-IV Issue-2/April-June'09/Pek : 7-8 na]
.JPG)
No comments:
Post a Comment
Comments not related to the topic will be removed immediately.