THANGKHAL SA’NNE’M LATE

THANGKHAL SA’NNE’M LATE

(Traditional Songs)

TUAN A PUPA

- Rev. Khaikhanthang, M.Tanglian

(A) Tuan a pupa sak min law na,

Thangkhal vontawite hibuang hang e.

(B) Thangkhal vontawite hibuang hang,

Seinou gual in gia bang zun ni,

Gia bang zun ni e.

GAMMAWNG SING BANG

- Pi Luankhanniang, M.Khaukual

(A) Tunin gam mawng sing bang kikawi Leila,

Zing chiang sam bang khenta ding aw e,

Khenta ding aw e.

(B) Zing chiang sam bang khenta ding a,

Mual chin sangpan don leng ding aw e,

Don leng ding aw e.

EITENG KHAWLKHAWM

- Pu S. Zamchinhang, Chief of Suangkuang

(A) Eiteng khawlkhawm a tuam omlou,

Van nuai chi peuh khul a piang;

Tun sung khat a piang hi ngeingei hang e.

(B) Tu’nsung khat a piang hi ngeingei e,

Suapi sanggam laigui zawng khawm hi ngeingei hang e.

PHAITUI VANGKHUA

- Phaisat La

(A) Phatui vangkhua niing leh aai nian na,

Na ngai nai maw lia leh tang aw e.

(B) Ngai lai ing e lia leh tang aw,

Setang simna sawmsial i simna zong kaai lai e.

KUT LA

- Rev. (Rtd) H. Chinzakhai, Lamzang

(A) Tung Pasian leh ziin (heh) khotuahna,

I Kut pawi mel nun nuam e.

(B) I Kut pak bang tawi ding in,

Thangkhal vontawite hong lam ung e.

ZOMI NAMNI LA

- Rev. Khaikhanthang, M.Tanglian

(A) Tuan a pupa kaai bang gawmna

Zomi namni,

Nun bang nuam in lam bang pak ni e.

(B) Nun bang nuam a lam bang pakna lasate,

Thangkhal seinoute hibuang (mel) ung e.

*I sau siang kom

*Pu CHIEF GUEST,

*Pu CHIEF GUEST,

*Pu CHIEF GUEST

*Lia leh tang in

*Lam bang pak ve ni.

*Lam bang pak ve ni.

VAKHUTE VAKHU HIH DING

- Rev.(Rtd) H. Chinzakhai

1.Thangkhal tual kuan lia leh tang,

A utleh khatvei vom a utleh khatvei san,

Ham dang toh thungen laasa Pasian in sangtuam diam hiam?

En in tung leeng vate zong

Achipih toh kipawl in,

Ahaampih toh kipawl hi,

Vakhute vakhu hih ding utkei leh,

Baibek ahi valong diai?

2. Thangkhal tualkuan lungmawl lia leh tang,

Hambang kihuai theilou paibang kitem theilou,

Ama Thangkhal ham toh dem in nitum hi.

SOKKHAU BANG KIZUN PANTA

- Tuibuang Hausapi

(A) Kawilah phamta keilah tul kuan tang

Pianna I gam sokkhau bang kizun panpan ta.

(B) Sing dang vontawi mang a touta e,

Khaltui vontawi vabang pil panpan.

---------------

*Compiled by Khaalnou

Share: