Ih khang thusim uah sil om ngailou, kuamah theihphak louhte hong kithei panpan ta. A khang akhang daih ding khop a sut tham leh tepteh tak ching hi. Bangma chik a mangngilh ni a om ngei kei diing. Tua, Aug 18 General Meeting nia TPO lamkaite 'Thupukna' in bang hamphatna hong tun ding? Ahihkeileh vangsiatna maw? chih bang ih ngaisut uh a hoih ding hi. Khenkhat a di'n 'hoihlou', a khen a di'n 'hoih' chi pawl zong ih om ua. A dikzaw ih kituhtuh uhleh bangma kilemloh lou ding. Mipite deihdan ahi phot mai chia lung kituak tak a pankhawm a pilhuai zawta ding hi. Tribe rekoknais leh nais-lou ih buaipih pen ahia, mite tung a kingak seng khak zong a thawn ahikha theih ding, a lauhuai veve hi. Tribe deih tam nalai ahi chia! Muh leh muhlouh kikaal a gamla kei a, Thangkhal-te khut a kinga ahizaw hi. Mite'n kum bangzat hong buaipih peih ding? Bang hang, en kidelh zoulou? Daltu hat ziak a hibang thukimna om ngai vawtlou, om tazen mawk hikha ding hi. Tu dinmun in ih kithehthaang dildel ua bangchi kihuai kik ding chih lam ih lamkaite'n a hong sai uh phamoh ta hi. Ei -leh-ei ih kibou bou laisiah bangmah kok lou ding hi. Bang eh tuhun a ih bawl masak ding uh? Kikup khawm leh kitemtuah dialdial bang a poimoh hun a om hi. Ih gam ah tribe muh nuam mulou beh-le-phung tampi a om a. A delh beh zong hong tam lai ding hileh akilawm hi. A neu a ki khenkhen pen a hoihlou ih chi chiat na-uhi. Thupil khat in "Ngeu lu hihsang in Huumpi mei hih thupi zaw" chih ahi. Ahi'n, " Tawm chik tung a gin om te, tampi tung ah agin om uh hi" chih ahi zel hi. Ngaih dan kibang kim theilou, kikhenlouh theihlouh lah ahi zel a. Tuaziak in Thangkhalte'n zong a unau nam dangte toh kibakna khat aneih ding uh kiphamoh hi. Aziak ih sut seng kei ding uh hi. Amaute'n chi tuamna vilvel tampi kineih uh hi. A muh un zong, mi dangte manna di hituan lou hi. A muh kei uhleh zong, kua nam hiam khat lawkna ding hituan lou, a manthaina uh hi giap ding hi. A dinmun uh theih chian a panpih ding ahizaw uh hi. Khangtoulou leh pichinglou ihi tuan kei ua, pankhawn dan ih na mangngilh khak ziak ahizaw hi. Kivaipuak dan, kihuaitup dan leh pankhawm dante zong khek lamdang deuh bang a ngai hi. Ahihkeileh, maban ah tu sang in kitheh thaang zaw khamoh lou ding ihi uh hi. Tua 'pankhawmna' chia ih gen gen uh pen thautang-thauvui hilouin, lungsim; tha-le-zung toh kuamah poi khoih lou a ih hihna uh kepbit tinten ding chih ahizaw hi. Tuni'n, maban ah bang hong tung ding chih zong ih kikup khawm touh zel uh a ngai hi. TPO, Saptuam lamkaite leh Sinlai-te a pankhawm laisiah khuampi kiptak neite ihi ding ua, kuamah sawnpuk gual ahi nawn kei ding hi. Pan khawm hatna lah ahi ngal a. Hun khat lai in, ih haam ih pau te zong mite chiamnui na maimai ahi. Tunzaw, hihbang a om khawl nawn kei hi. Khat hilei zongh, inn tuan hun hinapi, tuan thei nailou. Tapa piiching inntuan ding kua'n a khaam dia? A pa'n maw ahihkeh, a sanggamten maw, bang ziak in? U-le-naute lah hikhin ta, tapa inn tuan theilou pen nu-le-pa lungkhamna bawk hizaw hi. Kua mitmoh ziak ahi diam maw! A pa'n inn tuan a phal keileh, innsung kituakte hingai lou ding uh hi. Tuachilou a, apa'n piiching tak a inntuan theih pen a tapa adin khantouh kipatna bulpih ahi hi. Pa pil in anei leh agou khetlouh in a phungvuh zawsop lai ding ahi nalai hi. Tuahileh, pa leh tate kikaal ah ki-itna, ki-ngaina leh ki-tuakna piangsak thei pan ding hi. Kua'n eh tate khantouhlouh ding deih diing? Kua mah a om kei ding chilei kikhial lou mai thei hi. Tu in mun tuamtuam a om mahlei, ih pa khat chiat ahi a, inn suang chiat bang lel ihi uh hi. Tuaziak mah hilou ding hiam, akua akua in a innsung chiat kingai poimoh masat pen uh hi. Bekthamlou in, kisiam tup nalai uhi. Tuamah bang in, Thangkhalte zong akisiam tup uh apoimoh takzet hi. Bang tenghileh, kuapeuh in ih hihna chiat kingaina a, a khantouh ding leh a piching sem ding chiklai peuh in ki deih chiat hi. Ahileh, kua eh ih ki moh sak tuan ding? A dik bukim ki om lou mai thei mah hi. Ih ngaituahna te'n hong suhbuai maimai ahizaw hi. [Etsakna : pa=ZO, tate= Paite, Tedim, Vaiphei, Simte, Thadou, Zou, Thangkhal leh adng dng, inntuan= tribe recognised ngah, Gou=haam, tawndaan, etc. chih ka gen nawp na ahi hi. - Mr. KHAALNOU
Home » Unlabelled » MABAN BANGCHI DING
Recent Posts
-
Manipur Territorial Army Recruitment November lha leh um ding. 1.Churachandpur, Tengnoupal, Kangpokpi, Pherzawl leh Chandel district ho Tuib...
-
BRANCH THAK 25th Oct 2024 Tuni in New Delhi ah Arambai Tenggol branch thak khat honkhiat in om. Ref: AT page ©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
-
Pic: Manipuri by Blood (Facebook) 𝗛𝗲𝗿𝗲 𝗶𝘀 𝗮 𝗹𝗶𝘀𝘁 𝗼𝗳 𝗔𝗿𝗮𝗺𝗯𝗮𝗶 𝗧𝗲𝗻𝗴𝗴𝗼𝗹 (𝗔𝗧) 𝘂𝗻𝗶𝘁𝘀: 𝗜. 𝗜𝗺𝗽𝗵𝗮𝗹 𝗘𝗮𝘀𝘁...
-
Introduction The Chin National Army (CNA) and the Zomi Revolutionary Army (ZRA) are two major ethnic armed groups operating in Myanmar’s C...
-
* Vacancy : 46,000 Posts * Job Role : Agniveer * Qualify : 8th, 10th, 12th * Age : 17 to 23 * Salary ...
-
--- Viewers discretion is adviced ---
-
As they arrived at the fancy restaurant, Elon Musk and his new robot girlfriend, named Sophia, were greeted by the maître d' and led to ...
-
Pa Chinkhohau 80, father of Late Pa Khupneilian (b/o Kaplal Ex- Delhi KV member) S. Geltui TBC saptuam in tuni Oct 25, 2024 zingsang dak 10a...
-
UNITED KOMREM REVOLUTIONAL ARMY General HQ: Tuibong, Churachandpur JOINT MEETING Press Release 25th October 2024 (Friday) 1. .... thu leh la...
Popular Posts
-
“In Bangladesh, I belong to Bawm. But the Bawms in Mizoram are called Mizo, as Chin in Burma and as Kuki in Manipur. Are we not one?” says...
-
THE ZOMIS are one of the branches of Mongolian stock allied to the Tibetan Burmans and whose stories dates back to 2,000 BC. These people ...
-
Manipur Territorial Army Recruitment November lha leh um ding. 1.Churachandpur, Tengnoupal, Kangpokpi, Pherzawl leh Chandel district ho Tuib...
-
10 August 2024 Saturday nilhahlang chun, Ekou-Mulam munna Pu Yamthong Haokip (Saikul Ex-MLA) loinu *Pi Charubala* hinkho bei hi agimnei lheh...
-
The North-East State is going through its darkest days, with no end in sight to the bloody ethnic conflict. The Biren Singh government's...
-
Pic: Manipuri by Blood (Facebook) 𝗛𝗲𝗿𝗲 𝗶𝘀 𝗮 𝗹𝗶𝘀𝘁 𝗼𝗳 𝗔𝗿𝗮𝗺𝗯𝗮𝗶 𝗧𝗲𝗻𝗴𝗴𝗼𝗹 (𝗔𝗧) 𝘂𝗻𝗶𝘁𝘀: 𝗜. 𝗜𝗺𝗽𝗵𝗮𝗹 𝗘𝗮𝘀𝘁...
-
Lastest video: 08.08.'24, 11:53 am L atest video update: 07.08.2024, 9.45pm (below) ...
-
Lamka, 24 April 2024 — The leaders of Thangkhal Baptist Church (ABA), Manipur today felicitated Miss Carolyn Chingthianmawi with Thangkhal...
-
According to local residents of Langza, Mr David Thiek was beheaded by the alleged attackers while defending his village on July 2, 2023. Hi...
No comments:
Post a Comment
Comments not related to the topic will be removed immediately.