NEW DELHI, March 7: Delhi khopi kiang, Haryana state sung a Gurgaon ah Kiginni sunnung dak 1 vel in cabel operator mi 3 in damdawi inn tut ngai hial di’n Lamboi kivuakhuan ua, a inn kongkhak a suksiat banuah a innsung a TV leh vante leng suksiatsak uhi.
Lamboi’ lawmpa Bruce in The Lamka Post kiang a a gendan in, February 2, 2009 a cable gui a sutkhiaksaksa uh himahleh Yadhav Cable TV a lineman 3 in Sikanderpur, Gurgaon a om Lamboi apat February 2009 a ding cable fee dawng ua, Lamboi in leng kisukbuai a utlouh ziak in kha khat cable fee Rs. 150/- piak sawm hi. Himahleh, lineman 3-te’n ‘na hon khem man Rs. 50/- na behlap a ngai ding’ chi ua, huai tan in leng kisukbuai sang in, chi in Lamboi in lineman-te kiang ah Rs. 200/- pia hi. A nget zah uh a piak nung un leng hiai lineman-te lungkim tuanlou ua, innsung a Lamboi sawnlut in kamsia zang in enghou ek-ek ua, ngeibet leh vuak thuah uhi. Innsung tan hial a khut a khak chiang un Lamboi in leng ‘ka innsung’ chi in theihtawp suah in ana pang a, huai ah nakpitak a vuakliam in om hi. Lineman 3-te’n Lamboi a kivuakhuan zoh un innsung a chair, table leh van tuamtuam banah a TV leng suksiatsak uhi.
Thil omdan police station tut mahleh police-te’n FIR gelhlutsaklou in Lamboi’ lawmpa kiang ah Lamboi pen damdawi inn a tonpih di’n sawl uhi. A lawmte panpihna toh Civil Hospital, Gurgaon ah Lamboi tonpih in om a, huai ah Medical Legal Case (MLC) a admit in om hi. Lamboi lu a kek ziak in khui ngai a, a mai leng a liam nak sim ziak in ann ne theilou hi’n Bruce in gen hi. Hiai thu sut ahihtan in leng damdawi inn ah omlai ua, police-te’n statement ava lak ding uh ngaklel uh hi’n Bruce in The Lamka Post kiang ah gen hi.
Hiai tungtang North East Support Centre and Helpline (NESC&H) spokesperson Madhu Chandra in The Lamka Post kiang a a genna ah, NESC&H president Advocate Lansinglui Rongmei toh a nih un DLF Phase-II a police SHO kiang ah hiai tungtang theisak ua, FIR gelhlut di’n ngen mahle gelhlut hinailou hi.
Kum khat paisa apat Sikanderpur a innluah S. Thangsuanlam @ Lamboi (24), s/o Pastor (Retd.) S. Khamchinhang of S. Munhoih, CCpur dist. in IGNOU ah Bachelor of Social Work (final year) sinlel a, Zomi Christian Fellowship nuai a Gurgaon Prayer Cell ah Area Secretary in pang hi.
[The Lamka Post | March 08, 2009]
Lamboi’ lawmpa Bruce in The Lamka Post kiang a a gendan in, February 2, 2009 a cable gui a sutkhiaksaksa uh himahleh Yadhav Cable TV a lineman 3 in Sikanderpur, Gurgaon a om Lamboi apat February 2009 a ding cable fee dawng ua, Lamboi in leng kisukbuai a utlouh ziak in kha khat cable fee Rs. 150/- piak sawm hi. Himahleh, lineman 3-te’n ‘na hon khem man Rs. 50/- na behlap a ngai ding’ chi ua, huai tan in leng kisukbuai sang in, chi in Lamboi in lineman-te kiang ah Rs. 200/- pia hi. A nget zah uh a piak nung un leng hiai lineman-te lungkim tuanlou ua, innsung a Lamboi sawnlut in kamsia zang in enghou ek-ek ua, ngeibet leh vuak thuah uhi. Innsung tan hial a khut a khak chiang un Lamboi in leng ‘ka innsung’ chi in theihtawp suah in ana pang a, huai ah nakpitak a vuakliam in om hi. Lineman 3-te’n Lamboi a kivuakhuan zoh un innsung a chair, table leh van tuamtuam banah a TV leng suksiatsak uhi.
Thil omdan police station tut mahleh police-te’n FIR gelhlutsaklou in Lamboi’ lawmpa kiang ah Lamboi pen damdawi inn a tonpih di’n sawl uhi. A lawmte panpihna toh Civil Hospital, Gurgaon ah Lamboi tonpih in om a, huai ah Medical Legal Case (MLC) a admit in om hi. Lamboi lu a kek ziak in khui ngai a, a mai leng a liam nak sim ziak in ann ne theilou hi’n Bruce in gen hi. Hiai thu sut ahihtan in leng damdawi inn ah omlai ua, police-te’n statement ava lak ding uh ngaklel uh hi’n Bruce in The Lamka Post kiang ah gen hi.
Hiai tungtang North East Support Centre and Helpline (NESC&H) spokesperson Madhu Chandra in The Lamka Post kiang a a genna ah, NESC&H president Advocate Lansinglui Rongmei toh a nih un DLF Phase-II a police SHO kiang ah hiai tungtang theisak ua, FIR gelhlut di’n ngen mahle gelhlut hinailou hi.
Kum khat paisa apat Sikanderpur a innluah S. Thangsuanlam @ Lamboi (24), s/o Pastor (Retd.) S. Khamchinhang of S. Munhoih, CCpur dist. in IGNOU ah Bachelor of Social Work (final year) sinlel a, Zomi Christian Fellowship nuai a Gurgaon Prayer Cell ah Area Secretary in pang hi.
[The Lamka Post | March 08, 2009]
.JPG)
No comments:
Post a Comment
Comments not related to the topic will be removed immediately.