Dah nawn leh sek teh ang.👇
MIZO HMEICHHIA TE U, HNAMDANG CHI THLAH PUNG LO TURIN HARH CHHUAK RAWH U by Tey tmax
Hnamdang neih chungchâng hi 2020 khân ka lo ziak tawh a, tlêm ka han thai leh lawk teh ang. Mizo hmeichhia in hnamdang pasal a neih chuan hnamdang chhungkua ah a lût tawh, a pasal hnam hming a chhawm tawh, hemi chungchangah hian bo fe fe kan va la tam ve aw, hnamdang pasal an neih tawh an fate mai nilo anmahni la intih Mizo tum phêt te hi hnam zahlohna lian tak ani.
Example Mizo ah chuan Sanga Ralte leh thangi Pachuau an inneih a, mahse Mizo kan danglamna chu Thangi Pachuau hian Sanga Ralte hi pasal ah nei mahse Thangi hi Pachuau ala ni ngar ngar, a pasal hnam hming a chhawm lo, mahse an fate erawh chu mipa pawh nise hmeichhia pawh nise apa hnam hming Ralte kha a chhawm, a tawi zângin Ralte hnamin a phuar khawm vek.
Mahse mizo hmeichhia te'n hnamdang an neih chuan, sap/ vai pawi ni raw sek sek, hnamdang chu hnamdang anni mai, Mawii Hmar khan Simon Dalton pasalah a neih chuan hmar aiah Dalton tih hi a hman angai tawh thung, Mizo leh Mizo ah chuan fate aṭangin an pate hnam hming an chhawm, hnamdang ah chuan an nupuite aṭangin an pasal te hnam hming an chhawm, Amitabh Bachchan nupui chu Jaya Bhadhuri ani a, Jaya Bachchan tih ani tawh, a chhan chu Bachchan chhungkua ah a lâwi tawh miau a, hei hi hnamdang te leh mizote kan in an lohna pakhat ani bawk, thangi hmar in Raju Kumar anih chuan lo Kumar ve ngam mai rawh se, a Duha duhloh theih ani lo, chu chu an nupuite'n an pasalte hnam hming chhawm hi hnamdang culture nihphung ve rêng ani, sawi tawh angin keini mizote chu kan pasalte hnam hming kan chhawm ve lo, mahse kan fate'n kan pasal te hnam hming an chhawm thung, hnamdang ah chuan an nupui te'n an pasal te hnam an chhawm nghal ṭhin.
Hnamdang inneih pawlhna hi Bible ah hian a supportna hmuhtur atam lo zâwk, an inneih pawlh nasat avanga Israel fate buaizia kha ngaihtuah rawh. Buaina tipunluntu an la ni deuh zêl, Samsona buaina kha hrereng rawh, a nu leh pate phallo chung hnamdang hmeichhe zunah a uai a, enge a hnu leh zêl ah thleng ta kha.
Ṭhalai tamtak kan Mizo hmeichhia hnamdang pasala nei te thlavang hauh pung pung ho hian ngun takin chhût rawh se, Mizo mipa aiin hmeichhia te hi hnamdang nei nasa zâwk anni, Mizo mipa te chuan hnamdang nei mahse an hnam hming an la chhawm tal a, kan Mizo hnam hnamdang neite laka thikthu tihchhiat hun ani tawh.
Hnamdang neih hi changkanna ani lo, hnam ralna chikhat ani, 'Mizo mipa neih tlâk an awmlo tih hi chhuanlam tlingah ka ngailo, hetianga râk râk ho hi kan Mizo mipate pawh hian neih tlâkah an ngailo bikin ka ring lo, chutihrualin kan Mizo mipate ruihlo bâwih ah an tâng nasa, kan ṭhalaite ah kum naupang te te hmeichhia aiin mipa nunna chân an tam zawk, ngaihtuah a thui mange, a lungchhiatthlâk ṭhin ka ti, hetiang ringawt hi chuan chimral kan la ni thuai ang, inpuanven te sâwi chhingin hmalam panin ṭan han la sauh sauh teh u.
Sonia Gandhi pawh a a pian tirha a hming a birth name chu Edvige Antonia Albina Maino daih ani alawm, mahse Gandhi chhungkua ah alâwi a, Sonia Gandhi ani leh mai alo'm, a pasal hniakhnung a zui mai, kan Mizo hmeichhia hnamdang neite hian Pi Sonia Gandhi aṭang hian inzir ve rawh se. Hei hi in hlimthlâ tur ani. intih Mizo phêt tum buai lovin In pasalte tihdan phung zawmin lungawi ve mai rawh u.
Zpm te kha in han puh ngawt ang e, Zpm e pm lo lam ani lo, an nupuite'n an pasalte hnam hming an chhawm nghal zêl ṭhin hi hnamdangte culture nihphung zâwk ani e.
Hnamah harh a hun tawh takzet.
Credit - Tey tmax
Thlalak - Msi
THE ZORAM VOICE
